საქართველოს კომუნიკაციების ეროვნული კომისიის 2026 წლის 23 აპრილის № გ-26-7/180 გადაწყვეტილებაში ტექნიკური შეცდომის გასწორების შესახებ

საქართველოს კომუნიკაციების ეროვნული კომისიის 2026 წლის 23 აპრილის № გ-26-7/180 გადაწყვეტილებაში ტექნიკური შეცდომის გასწორების შესახებ

განმცხადებელი: შპს „RMG Gold“

კომისიის სხდომის თარიღი: 30.04.2026

I. აღწერილობითი ნაწილი

1. საქართველოს კომუნიკაციების ეროვნული კომისია (შემდგომში „კომისია“) აღნიშნავს, რომ კომისიის მიერ  2026 წლის 23 აპრილს მიღებულ  იქნა  № გ-26-7/180 გადაწყვეტილება, შპს „RMG Gold“-სთვის (რეგისტრირებულია ბოლნისის რაიონის სასამართლოს მიერ 1995 წლის 16 აგვისტოს რეგ. № 23/4-6; ს.კ. № 225359947) ბოლნისის და დმანისის მუნიციპალიტეტებში მეტრულ ტალღათა დიაპაზონში  ორი სიხშირის მინიჭების თაობაზე.

II. სამოტივაციო ნაწილი

2. კომისიის 2026 წლის 23 აპრილის № გ-26-7/180 გადაწყვეტილებაში დაშვებულ იქნა ტექნიკური შეცდომა, კერძოდ, გადაწყვეტილების პირველ პუნქტში სიხშირეების - 150.050 მჰც და 170.050 მჰც ნაცვლად უნდა ეწეროს სიხშირეები - 150.500 მჰც და 170.500 მჰც.

3. საქართველოს ზოგადი ადმინისტრაციული კოდექსის 59-ე მუხლის შესაბამისად, ადმინისტრაციული ორგანო უფლებამოსილია მის მიერ გამოცემულ ინდივიდუალურ ადმინისტრაციულ-სამართლებრივ აქტში გაასწოროს ტექნიკური, აგრეთვე გამოთვლის დროს დაშვებული შეცდომები. ინდივიდუალურ ადმინისტრაციულ-სამართლებრივ აქტში არსებითი შესწორების შეტანა ნიშნავს ახალი ადმინისტრაციულ-სამართლებრივი აქტის გამოცემას. შეცდომების გასწორება უნდა გამოქვეყნდეს ან გადაეცეს ოფიციალური გაცნობისთვის იმავე წესით, რომელიც დადგენილია ინდივიდუალური ადმინისტრაციული-სამართლებრივი აქტის გამოქვეყნებისათვის ან გაცნობისათვის.

III. სარეზოლუციო ნაწილი

ზემოაღნიშნულიდან  გამომდინარე, საქართველოს ზოგადი ადმინისტრაციული კოდექსის  59-ე მუხლის შესაბამისად კომისიამ, კენჭისყრის შედეგად, ერთხმად

გადაწყვიტა:

1. გასწორდეს კომისიის 2026 წლის 23 აპრილის № გ-26-7/180 დაშვებული ტექნიკური შეცდომა და გადაწყვეტილების პირველ პუნქტში „სიხშირეები - 150.050 მჰც და 170.050 მჰც“-ის ნაცვლად ჩაიწეროს „სიხშირეები - 150.500 მჰც და 170.500 მჰც“.