საქართველოს კომუნიკაციების ეროვნულმა კომისიამ შპს “TV3”-ის განცხადების საფუძველზე რადიოსიხშირული სპექტრით სარგებლობის ლიცენზიის გასაცემად აუქციონი გამოაცხადა.

კომპანიას, თბილისის ტერიტორიაზე, მთაწმინდის ანძის მიმართულებით რადიოსიხშირული სპექტრი მობილური ჩართვებისთვის დამხმარე ტექნოლოგიური დანიშნულებით სჭირდება.

აუქციონი კომისიაში 2013 წლის 25 ნომბერს 13:00 საათზე გაიმართება. საბუთების მიღება კი 2013 წლის 11 ნოემბრის 17:00 საათამდე იწარმოებს. რადიოსიხშირული სპექტრით სარგებლობის ლიცენზიის საწყისი საფასური 1 915 ლარით და 8 თეთრით განისაზღვრა. აუქციონზე ერთი ბიჯის ოდენობამ 96 ლარი შეადგინა.

გადაწყვეტილების სრული ვერსია, გთხოვთ იხილოთ კომისიის გადაწყვეტილებების გვერდზე.