„რეგულირების საფასურის განსაზღვრისა და გადახდის წესის შესახებ“ საქართველოს კომუნიკაციების ეროვნული კომისიის 2005 წლის 28 ოქტომბრის №12 დადგენილებაში ცვლილებების შეტანის თაობაზე
გამოქვეყნების თარიღი სექტემბერი 09, 2015 11:50
მიღების თარიღი აგვისტო 20, 2015
საქართველოს კომუნიკაციების ეროვნული კომისიის
დადგენილება №8
2015 წლის 20 აგვისტო ქ. თბილისი
„რეგულირების საფასურის განსაზღვრისა და გადახდის წესის შესახებ“ საქართველოს კომუნიკაციების ეროვნული კომისიის 2005 წლის 28 ოქტომბრის №12 დადგენილებაში ცვლილებების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლისა და „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, საქართველოს კომუნიკაციების ეროვნული კომისია ადგენს:
მუხლი 1
„რეგულირების საფასურის განსაზღვრისა და გადახდის წესის შესახებ“ საქართველოს კომუნიკაციების ეროვნული კომისიის 2005 წლის 28 ოქტომბრის №12 დადგენილებაში (სსმ III, 31.10.2005 №127 მუხ. 1415) შევიდეს შემდეგი ცვლილებები:
1. მე-4 პუნქტი ჩამოყალიბდეს შემდეგი რედაქციით:
„4. მაუწყებლობის სფეროში რეგულირების საფასურის გადამხდელები არიან მაუწყებლობის სფეროში ლიცენზიის მფლობელი/ავტორიზებული პირები.“.
2. მე-5 პუნქტი ჩამოყალიბდეს შემდეგი რედაქციით:
„5. რეგულირების საფასურის ოდენობაა მაუწყებლობის სფეროში ლიცენზიის მფლობელის/ავტორიზებული პირის მიერ განხორციელებული და რეგულირებას დაქვემდებარებული საქონლის (მომსახურების) მიწოდების ან/და შესრულებული სამუშაოს მთლიანი ღირებულების (დღგ-ის გარეშე) 0.5 პროცენტი.“.
3. მე-6 პუნქტი ჩამოყალიბდეს შემდეგი რედაქციით:
„6. ელექტრონული კომუნიკაციების სფეროში ავტორიზებული პირები და მაუწყებლობის სფეროში ლიცენზიის მფლობელი/ავტორიზებული პირები ვალდებულნი არიან ყოველთვიურად, არა უგვიანეს საანგარიშო თვის მომდევნო თვის 20 რიცხვისა, ამ დადგენილებით განსაზღვრული ფორმით (დანართი №1 და დანართი №2) წარუდგინონ კომისიას ინფორმაცია გაანგარიშებული რეგულირების საფასურის თაობაზე და ჩარიცხონ კომისიის ანგარიშზე რეგულირების საფასური.“.
4. დანართი №2 ჩამოყალიბდეს შემდეგი რედაქციით:
„დანართი №2
საქართველოს კომუნიკაციების ეროვნული კომისია
რეგულირების ყოველწლიური საფასურის გაანგარიშება
მაუწყებლობის სფეროში ლიცენზიის მფლობელი/ავტორიზებული პირისთვის
……………………………………………..
(საანგარიშო პერიოდის დასახელება)
……………………………………………..
(პასუხისმგებელი პირის სახელი, გვარი)
…………………………………………………… ………………………………
(ლიცენზიის მფლობელის/ავტორიზებული (ტელეფონის ნომერი)
პირის დასახელება)
1. მთლიანი შემოსავალი დღგ-ის გარეშე
2. რეგულირების საფასური – I სტრიქონის 0,5 %
3. ფაქტობრივად გადახდილია
4. გადასახდელი თანხა საანგარიშო პერიოდში (სტრ.2 -სტრ.3)
დირექტორი:
მთავარი ბუღალტერი:
ბ.ა.
მუხლი 2
ეს დადგენილება ამოქმედდეს გამოქვეყნებისთანავე.
კომისიის წევრი მერაბ ქათამაძე
თავმჯდომარე ვახტანგ აბაშიძე
კომისიის წევრი გიორგი ფრუიძე