”ადგილობრივი მაუწყებლობის ზონალური დაყოფის შესახებ” საქართველოს კომუნიკაციების ეროვნული კომისიის 2006 წლის 5 დეკემბრის №10 დადგენილებაში ცვლილებების და დამატების შეტანის შესახებ
გამოქვეყნების თარიღი აპრილი 01, 2011
მიღების თარიღი აპრილი 01, 2011
”ნორმატიული აქტების შესახებ” საქართველოს კანონის მე-20 მუხლის მე-4 და მე-6 პუნქტების საფუძველზე კომისია
ადგენს:
1. “ადგილობრივი მაუწყებლობის ზონალური დაყოფის შესახებ” საქართველოს კომუნიკაციების ეროვნული კომისიის 2006 წლის 5 დეკემბრის №10 დადგენილებაში (სსმ 13.12.2006, №167, მუხ. 2271) შევიდეს შემდეგი ცვლილებები და დამატება:
ა) პირველი პუნქტი ჩამოყალიბდეს შემდეგი რედაქციით:
”1. ადგილობრივი მაუწყებლობის ზონად განისაზღვროს საეთერო ციფრული სამაუწყებლო მომსახურების ზონა;”
ბ) ამოღებულ იქნას მე-2 პუნქტი;
გ) მე-3 პუნქტი ჩამოყალიბდეს შემდეგი რედაქციით:
”3. საეთერო ციფრული სამაუწყებლო მომსახურების ზონა (შემდგომში ”სამაუწყებლო ზონა”) არის სახმელეთო ტერიტორია, რომელიც შემოსაზღვრულია ამ დადგენილების დანართი №2-ში მითითებული გეოგრაფიული კოორდინატების შესაბამისი წერტილების მომვლებით;”
დ) მე-4 პუნქტი ჩამოყალიბდეს შემდეგი რედაქციით:
”4. 87.5მჰც-დან 108.0მჰც-მდე სიხშირულ დიაპაზონში ადგილობრივი რადიომაუწყებლობის ზონა არის საკონკურსო პირობით განსაზღვრული, ერთი ან რამდენიმე გადამცემი სადგურის ტექნიკური პარამეტრების შესაბამისი მომსახურების სახმელეთო ტერიტორია, რომელიც პირობითად შემოსაზღვრულია ამ ტერიტორიაზე განთავსებული სადგურის ან/და სადგურების მიერ შექმნილი სამაუწყებლო დონის სიგნალის ზღვრული მინიმალური მნიშვნელობის მქონე წერტილთა ერთობლიობის მომვლებით;”
ე) მე-5 პუნქტით განსაზღვრული დანართი №1 დამტკიცდეს თანდართული რედაქციით;
ვ) ამოღებულ იქნას მე-6 პუნქტი.
2. დადგენილებას დაემატოს დანართი №2 „WGS 84-ის (საერთაშორისო გეოდეზიური სისტემა 84) მიხედვით განსაზღვრული გეოგრაფიული კოორდინატები“ თანდართული რედაქციით;
3. ეს დადგენილება ამოქმედდეს გამოქვეყნებიდან მე-15 დღეს.
კომისიის წევრი ს. ბრიტანჩუკი
კომისიის წევრი კ. კვიტაიშვილი
კომისიის წევრი ი. მოსეშვილი