გადაწყვეტილება N 107 შპს “საქალაქთაშორისო სატელეფონო კავშირის ცენტრი”-სათვის საქალაქთაშორისო და საერთაშორისო სატელეფონო კავშირებით მომსახურებაზე ლიცენზიის გაცემის შესახებ
გამოქვეყნების თარიღი მარტი 16, 2001
მიღების თარიღი მარტი 16, 2001
შპს „საქალაქთაშორისო სატელეფონო კავშირის ცენტრი”-სათვის საქალაქთაშორისო
და საერთაშორისო სატელეფონო კავშირებით მომსახურებაზე ლიცენზიის გაცემის შესახებ
„კავშირგაბმულობისა და ფოსტის შესახებ” საქართველოს კანონის 34-ე მუხლის 1 პუნქტისა
და 36-ე მუხლის 2 პუნქტის ა) ქვეპუნქტის საფუძველზე, კომისიამ
გადაწყვიტა:
1. მიეცეს შ.პ.ს. „საქალაქთაშორისო სატელეფონო კავშირის ცენტრს” ლიცენზია საქალაქთაშორისო და საერთაშორისო სატელეფონო კავშირებით მომსახურებაზე (თან ერთვის):
ლიცენზიის სახე: ადგილობრივი, საქალაქთაშორისო და საერთაშორისო კავშირებით, საკაბელო ტელერადიომაუწყებლობით, მონაცემთა გადაცემისა და ინტერნეტის ქსელით მომსახურება.
ლიცენზიის სახეობა: საქალაქთაშორისო და საერთაშორისო სატელეფონო კავშირებით მომსახურება.
ლიცენზიის საგანი: ფიქსირებული ქსელის შემოკლებული სატელეფონო ნომრის გამოყენებით ნახევრად ავტომატური და ხელით მომსახურების სისტემით საქალაქთაშორისო და საერთაშორისო სატელეფონო კავშირებით მომსახურება.
ნუმერაციის რესურსი: ლიცენზიის მფლობელს მიეცეს ნუმერაციის რესურსის 0 7 (ნული შვიდი) გამოყენების უფლება ლიცენზიის მოქმედების ვადით.
2. შეტანილ იქნეს სათანადო მონაცემები კომისიის სალიცენზიო რეესტრში.
3.დაევალოს კომისიის აპარატის იურიდიულ სამსახურს „კავშირგაბმულობისა და ფოსტის შესახებ” საქართველოს კანონის 35-ე მუხლის 1 პუნქტით გათვალისწინებული მონაცემების სახელმწიფო სალიცენზიო რეესტრში გატარება.
4.კონტროლი აღნიშნული გადაწყვეტილების შესრულებაზე დაევალოს ტექნიკური სამსახურის უფროსს მ. გოთოშიას.
კომისიის თავმჯდომარე ვ. აბაშიძე