საქართველოს კომუნიკაციების ეროვნულმა კომისიამ  „კავშირგაბმულობისა და ფოსტის შესახებ” საქართველოს კანონის 54-ე მუხლისა და "კავშირგაბმულობისა და ფოსტის სფეროში საქმიანობის ლიცენზიის მფლობელთა ხელახალი რეგისტრაციის წესისა და პირობების შესახებ" კომისიის დადგენილების მე-2 მუხლის შესაბამისად

გ ა დ ა წ ყ ვ ი ტ ა :

1.გატარდეს ხელახალ რეგისტრაციაში შეზღუდული პასუხისმგებლობის საზოგადოება „ინფოკომი” (რეგისტრირებული ქ. თბილისის მთაწმინდის  რაიონული სასამართლოს 1997 წლის 19 სექტემბრის N4/4-1241  დადგენილებით):

ლიცენზია N 376 გაცემული 03.12.97, მოქმედების ვადა ხუთი (5) წელი

ლიცენზიის სახე: თანამგზავრული ან/და საერთაშორისო სისტემებით მომსახურება

ლიცენზიის სახეობა: საქალაქთაშორისო და საერთაშორისო სატელეფონო კავშირებით მომსახურება თანამგზავრული სადგურის გამოყენებით

ლიცენზიის საგანი: მიწისზედა თანამგზავრული სადგურის მომსახურება  14,258-14,294 გჰც (გადაცემაზე) და 11,458-11,484 გგჰც (მიღებაზე)  სამუშაო სიხშირეების გამოყენებით:

ლიცენზია N 921 გაცემული 13.04.99, მოქმედების ვადა 19.03.2004 წელი

ლიცენზიის სახე: თანამგზავრული ან/და საერთაშორისო სისტემებით მომსახურება

ლიცენზიის სახეობა: მონაცემთა გადაცემისა და ინტერნეტის ქსელით მომსახურება თანამგზავრული სისტემის გამოყენებით.

ლიცენზიის საგანი: მონაცემთა გადაცემის, სატელეგრაფო, სატელექსო ქსელებითა და ელექტრონული ფოსტით მომსახურება

2.შეტანილ იქნეს სათანადო მონაცემები კომისიის უწყებრივ სალიცენზიო რეესტრში.

3.კონტროლი აღნიშნული გადაწყვეტილების შესრულებაზე დაევალოს იურიდიული სამსახურის უფროსს გ. კვერენჩხილაძეს.

კომისიის თავმჯდომარე:                                          ვ.აბაშიძე.