გადაწყვეტილება N 169 შ.პ.ს. ტელეკომპანია”მვ”-ის კუთვნილი ლიცენზიის მოდიფიცირებისა და უწყებრივ სალიცენზიო რეესტრში სათანადო მონაცემების შეტანის შესახებ
გამოქვეყნების თარიღი მარტი 30, 2001
მიღების თარიღი მარტი 30, 2001
საქართველოს კომუნიკაციების ეროვნულმა კომისიამ „კავშირგაბმულობისა და ფოსტის შესახებ” საქართველოს კანონის 391 მუხლის შესაბამისად
გ ა დ ა წ ყ ვ ი ტ ა :
1.მოდიფიცირებულ იქნეს შეზღუდული პასუხისმგებლობის საზოგადოება ტელეკომპანია „მვ”-ს (რეგისტრირებული ბოლნისის რაიონული სასამართლოს 1995წლის 9 აგვისტოს N23/4-5 დადგენილებით):
ლიცენზია N 218 გაცემული 15.01.97წ.- მოქმედების ვადა სამი (3) წელი.
ლიცენზიის სახე: სიხშირული სპექტრის გამოყენებით მომსახურება.
ლიცენზიის სახეობა: საეთერო ტელერადიომაუწყებლობა.
ლიცენზიის საგანი: სატელევიზიო მაუწყებლობა მე-5 მეტრულ არხზე 20 ვტ სიმძლავრის გადამცემის გამოყენებით (ქ. ბოლნისი და მიმდებარე რაიონები).
2.შეტანილ იქნეს სათანადო მონაცემები კომისიის უწყებრივ სალიცენზიო რეესტრში;
3.კონტროლი აღნიშნული გადაწყვეტილების შესრულებაზე დაევალოს იურიდიული სამსახურის უფროსს გ. კვერენჩხილაძეს.
კომისიის თავმჯდომარე ვ. აბაშიძე