გადაწყვეტილება N 186 სახელმწიფოთაშორისო ტელერადიოკომპანია “ მირ”-ის ხელახალ რეგისტრაციაში გატარებისა და უწყებრივ სალიცენზიო რეესტრში სათანადო მონაცემების შეტანის შესახებ
გამოქვეყნების თარიღი მარტი 30, 2001
მიღების თარიღი მარტი 30, 2001
საქართველოს კომუნიკაციების ეროვნულმა კომისიამ „კავშირგაბმულობისა და ფოსტის შესახებ” საქართველოს კანონის 54-ე მუხლისა და "კავშირგაბმულობისა და ფოსტის სფეროში საქმიანობის ლიცენზიის მფლობელთა ხელახალი რეგისტრაციის წესისა და პირობების შესახებ" კომისიის დადგენილების მე-2 მუხლის შესაბამისად
გ ა დ ა წ ყ ვ ი ტ ა :
1.გატარდეს ხელახალ რეგისტრაციაში სახელმწიფოთაშორისო ტელერადიოკომპანია ”მირ” (რეგისტრირებული ქ. თბილისის კრწანისის რაიონის სასამართლოს 1995 წლის 26 ოქტომბრის N06/5-04 დადგენილებით):ლიცენზია N 858 გაცემული 23.02.99წ.- მოქმედების ვადა 25.06.2000 წ.
ლიცენზიის სახე: თანამგზავრული ან/და საერთაშორისო სისტემებით მომსახურება.
ლიცენზიის სახეობა: ტელერადიოსამაუწყებლო თანამგზავრული სისტემების მიწისზედა სადგურებით მომსახურება.
ლიცენზიის საგანი: მიწისზედა თანამგზავრული სადგურის მეშვეობით ტელე-რადიო პროგრამების გავრცელება 14265 მგჰც გადაცემაზე და 11465 მგჰც მიღებაზე სიხშირეების გამოყენებით.
ლიცენზია N 1019 გაცემული 26.07.99წ.- მოქმედების ვადა 25.06.2000 წ.
ლიცენზიის სახე: თანამგზავრული ან/და საერთაშორისო სისტემებით მომსახურება.
ლიცენზიის სახეობა: მონაცემთა გადაცემისა და ინტერნეტის ქსელით მომსახურება თანამგზავრული სისტემის გამოყენებით.
ლიცენზიის საგანი: ინტერნეტ-სერვის პროვაიდერობა.
2.შეტანილ იქნეს სათანადო მონაცემები კომისიის უწყებრივ სალიცენზიო რეესტრში;
3.კონტროლი აღნიშნული გადაწყვეტილების შესრულებაზე დაევალოს იურიდიული სამსახურის უფროსს გ. კვერენჩხილაძეს.
კომისიის თავმჯდომარე: ვ.აბაშიძე.