გადაწყვეტილება N 231 შ.პ.ს.”რეზონანსი”-ს კუთვნილი ლიცენზიების მოდიფიცირებისა და უწყებრივ სალიცენზიო რეესტრში სათანადო მონაცემების შეტანის შესახებ
გამოქვეყნების თარიღი აპრილი 13, 2001
მიღების თარიღი აპრილი 13, 2001
საქართველოს კომუნიკაციების ეროვნულმა კომისიამ „კავშირგაბმულობისა და ფოსტის შესახებ” საქართველოს კანონის 391 მუხლის შესაბამისად
გ ა დ ა წ ყ ვ ი ტ ა :
1.მოდიფიცირებულ იქნეს შეზღუდული პასუხისმგებლობის საზოგადოება „რეზონანსი”-ს (რეგისტრირებული ქ.თბილისის დიდუბის რაიონის სასამართლოს 1996წლის 27 სექტემბრის N2/4-958 დადგენილებით):
ა). ლიცენზია N 562 გაცემული 05.06.98 წ. - მოქმედების ვადა 20.05.02 წ.
ლიცენზიის სახე: სიხშირული სპექტრის გამოყენებით მომსახურება.
ლიცენზიის სახეობა: საეთერო ტელერადიომაუწყებლობა.
ლიცენზიის საგანი: რადიო მაუწყებლობა 101,4 მგჰც სიხშირეზე 1 კვტ სიმძლავრის გადამცემის გამოყენებით (ქ. თბილისი).
ბ). ლიცენზია N 756 გაცემული 01.12.98 წ. - მოქმედების ვადა 13.11.99 წ
ლიცენზიის სახე: საფოსტო კავშირით მომსახურება.
ლიცენზიის სახეობა: ადგილობრივი და საერთაშორისო საფოსტო გზავნილების მიღებით, გაგზავნით და დატარებით მომსახურება.
ლიცენზიის საგანი: მოსახლეობის და ორგანიზაციების უზრუნველყოფა კორესპონდენციების (წერილები, ღია ბარათები) მიტანით ქ.თბილისში წინასწარ გაფორმებული ხელშეკრულების საფუძველზე.
2.შეტანილ იქნეს სათანადო მონაცემები კომისიის უწყებრივ სალიცენზიო რეესტრში;
3.კონტროლი აღნიშნული გადაწყვეტილების შესრულებაზე დაევალოს იურიდიული სამსახურის უფროსს გ. კვერენჩხილაძეს.
კომისიის თავმჯდომარე: ვ.აბაშიძე.