გადაწყვეტილება N 317 კოდის გამოყენებით საერთაშორისო სატელეფონო კავშირით მომსახურებაზე ლიცენზიის მისაღებად კონკურსის გამოცხადების შესახებ
გამოქვეყნების თარიღი ივნისი 15, 2001
მიღების თარიღი ივნისი 15, 2001
„კავშირგაბმულობისა და ფოსტის შესახებ” საქართველოს კანონის 36-ე მუხლის მე-2 პუნქტის თანახმად, საქართველოს კომუნიკაციების ეროვნულმა კომისიამ
გადაწყვიტა:
1. გამოცხადდეს კონკურსი 8-64 (რვა-ექვსი-ოთხი) კოდის გამოყენებით საერთაშორისო სატელეფონო კავშირით მომსახურებაზე ლიცენზიის მისაღებად;
2. ლიცენზიის მაძიებლების განცხადებების მიღება მოხდეს 2001 წლის 25 ივნისის 10:00 საათიდან 1 სექტემბრის 17:00 საათამდე;
3. ლიცენზიის მაძიებლის განცხადება და თანდართული დოკუმენტაცია უნდა აკმაყოფილებდეს „კავშირგაბმულობისა და ფოსტის შესახებ” საქართველოს კანონის 36 მუხლით დადგენილ მოთხოვნებს;
4. კონკურსის პირობები არ ითვალისწინებს ინვესტიციის განხორციელების ვალდებულებას;
5. კონკურსის პირობაა კომისიისათვის წარდგენილი დოკუმენტაციის ტექნიკურ სტანდარტებთან შესაბამისობა;
6. გამარჯვებულის გამოვლენის კრიტერიუმია - მაქსიმალური სალიცენზიო გადასახდელის გადახდა, რომლის შეთავაზება ლიცენზიის მაძიებლის მიერ კონკურსის ჩატარების დროს მოხდება;
7. სალიცენზიო გადასახდელის საწყისი ოდენობა განისაზღვროს ცხრა ათას სამასი (9300) ლარით;
8. ლიცენზიის მაძიებლის მიერ სალიცენზიო გადასახდელის საწყისი ოდენობის 10 %-ის გადახდა მოხდეს „კავშირგაბმულობისა და ფოსტის შესახებ” საქართველოს კანონის 36 მუხლის მე-7 პუნქტის შესაბამისად;
9. სალიცენზიო გადასახდელის სრული გადახდა კონკურსში გამარჯვებული ლიცენზიის მაძიებლის მიერ მოხდეს ლიცენზიის გაცემიდან 15 სამუშაო დღის განმავლობაში;
10. კონკურსის ჩატარების თარიღად გამოცხადდეს 2001 წლის 7 სექტემბერი (16:00 საათი);
11. კონკურსის ჩატარების დროს ლიცენზიის მაძიებლის უფლებამოსილი წარმომადგენლის დასწრება სავალდებულოა;
12. დაევალოს საზოგადოებასთან ურთიერთობის კოორდინატორს გ. რატიშვილს აღნიშნული საკითხის საინფორმაციო უზრუნველყოფა;
13. კონტროლი აღნიშნული გადაწყვეტილების შესრულებაზე დაევალოთ ტექნიკური სამსახურის უფროსს მ. გოთოშიას და იურიდიული სამსახურის უფროსს გ. კვერენჩხილაძეს.
კომისიის თავმჯდომარე ვ. აბაშიძე