გადაწყვეტილება N 34 შ.პ.ს. სამაუწყებლო კომპანია “ რუსთავი 2 “-ის მიერ სატელევიზიო გადამცემის შეცვლის ნებართვის გაცემის შესახებ
გამოქვეყნების თარიღი თებერვალი 16, 2001
მიღების თარიღი თებერვალი 16, 2001
ნებართვის გაცემის შესახებ
საქართველოს კომუნიკაციების ეროვნულმა კომისიამ „კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის შესაბამისად
გადაწყვიტა:
1. მიეცეს ნებართვა შ.პ.ს.სამაუწყებლო კომპანია „რუსთავი2„-ს შეცვალოს კომპანიის კუთვნილი ფირმა „LINEAR”-ის ხარვეზებით მომუშავე ტელეგადამცემი, რომელიც განთავსებულია შ.პ.ს. „საქართველოს ტელერადიოცენტრი”-ს მთაწმინდის ანძაზე თბილისში, ანალოგიური ტექნიკური პარამეტრების მქონე იმავე ფირმის ახალი გადამცემით.
2. ეთხოვოს კომპანია „რუსთავი2„-ს აცნობოს კომისიას შ.პ.ს. „საქართველოს ტელერადიოცენტრი”-ს ადმინისტრაციაცთან შეთანხმებული წერილის ფორმით, ახალი გადამცემის განთავსების და ექსპლუატაციაში გაშვების შესახებ.
3. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურის უფროსს თ.ძაგნიძეს.
კომისიის თავმჯდომარე ვ.აბაშიძე