გადაწყვეტილება N 221 შ . პ . ს . “ საქართველოს თრანქული სისტემის ” N 703 ლიცენზიისათვის ( თრანქული სისტემით მომსახურება ) ვადის გაგრძელების შესახებ

„კავშირგაბმულობისა და ფოსტის შესახებ” საქართველოს კანონის 36-ე მუხლის 1 პუნქტის საფუძველზე, კომისიამ

გადაწყვიტა:

1.      გაუგრძელდეს მოქმედების ვადა შ.პ.ს. „საქართველოს თრანქულ სისტემის” N 703 ლიცენზიას,  2012 წლის 29 ივლისამდე;

2.      ლიცენზიის ვადის გაგრძელებაზე გადაწყვეტილების მიღებიდან 7 (შვიდი) სამუშაო დღის განმავლობაში სალიცენზიო გადასახდელის საწყისი ოდენობის (7487,60 ლარი) 20 % ჩარიცხოს საქართველოს კომუნიკაციების ეროვნული კომისიის ანგარიშზე,   10 % - საქართველოს ეროვნულ ბანკში, სახაზინო სამსახურის საოპერაციო დეპარტამენტის მიერ საქართველოს ფინანსთა სამინისტროსათვის გახსნილ სპეცანგარიშზე, 70 %-ის გადახდა მოხდეს აღნიშნული გადაწყვეტილების მიღებიდან ერთი თვის ვადაში;

3.      შეტანილ იქნეს სათანადო მონაცემები კომისიის სალიცენზიო რეესტრში;

4.      კონტროლი აღნიშნული გადაწყვეტილების შესრულებაზე დაევალოს  ტექნიკურ /მ.გოთოშია/ და იურიდიულ სამსახურს /გ. კვერენჩხილაძე/.

კომისიის თავმჯდომარე                                     ვ. აბაშიძე