კონტაქტი

საქართველოს კომუნიკაციების ეროვნული კომისია (შემდგომში კომისია) აღნიშნავს, რომ ქ.თბილისის დიდუბე-ჩუღურეთის რაიონული სასამართლოს N 2/4-3070 დადგენილებით განხორციელდა შპს ტელე-რადიო კომპანია „TV-21”-ისა და შპს „ავლარის” შერწყმა, რის შედეგად შპს „TV-21” წარმოადგენს შპს „ავლარის” სამართალმემკვიდრეს. შპს ტელე-რადიო კომპანია „TV-21” ითხოვს N 1141 ლიცენზიის ვადის გაგრძელებას და მოდიფიცირებას „კავშირგაბმულობისა და ფოსტის შესახებ” საქართველოს კანონთან შესაბამისობაში მოყვანის მიზნით.

კომისია აგრეთვე აღნიშნავს, რომ შპს ტელე-რადიო კომპანია „TV-21” მაუწყებლობს ლიცენზიით გათვალისწინებული სიმძლავრის გადამცემით, რომლის სიგნალი მაუწყებლობის პროცესში ვრცელდება ქ.თბილისის აღმოსავლეთ ნაწილში მავნე ხელშეშლების წარმოქმნის გარეშე.

„კავშირგაბმულობისა და ფოსტის შესახებ” საქართველოს კანონის 36-ე მუხლის პირველი პუნქტის, 391 და 453 მუხლების საფუძველზე, კომისიამ

გადაწყვიტა:

1. გაუგრძელდეს მოქმედების ვადა შპს ტელე-რადიო კომპანია „TV-21”-ის N 1141 ლიცენზიას, 2012 წლის 20 აგვისტომდე;

2. მოდიფიცირებულ იქნეს შპს ტელე-რადიო კომპანია „TV-21”-ის N 1141 ლიცენზია და ლიცენზიის სახეობა და ლიცენზიის საგანი ჩამოყალიბდეს შემდეგი რედაქციით:

„ლიცენზიის სახეობა: საეთერო საერთო ტელერადიომაუწყებლობა.

ლიცენზიის საგანი: ტელემაუწყებლობის ორგანიზება მე-14 სატელევიზიო არხზე (239-245,75 მგჰც) მეორად საფუძველზე, 50 ვტ სიმძლავრის გამოყენებით (ქ.თბილისში სამაუწყებლო სიგნალის შესაბამისი დონის გეოგრაფიულ ფარგლებში)”;

3. სატელევიზიო გადამცემის განთავსების ადგილად განისაზღვროს გომბორის გადასახვევთან მდებარე ანძა (გარდაბნის რაიონი);

4. შეტანილ იქნეს სათანადო მონაცემები კომისიის სალიცენზიო რეესტრში;

5. სალიცენზიო გადასახდელის საწყისი ოდენობიდან - 26 406 (ოცდაექვსი ათას ოთხას ექვსი) ლარი, 30%-ის ( 7921,8 ლარი) გადახდა მოხდეს ერთი თვის ვადაში, საიდანაც 20% (5281,2 ლარი) გადახდა მოხდეს კომისიის ანგარიშზე, ხოლო 10%-ის (2640,6 ლარი) საქართველოს ფინანსთა სამინისტროს სპეციალურ ანგარიშზე - საქართველოს ეროვნული ბანკი, კოდი 220101107, სახაზინო სამსახურის საოპერაციო დეპარტამენტის სპეციალური ანგარიში N000141107, კოდი 8001 (სალიცენზიო გადასახდელის კოდი);

6. სალიცენზიო გადასახდელის საწყისი ოდენობის დარჩენილი 70%-ის (18484,2 ლარი) გადახდა მოხდეს მე-5 პუნქტში მითითებულ საქართველოს ფინანსთა სამინისტროს სპეციალურ ანგარიშზე, შემდეგი გრაფიკის მიხედვით:

2053,8 ლარი - 2003 წლის 20 სექტემბრამდე;

2053,8 ლარი - 2004 წლის 20 სექტემბრამდე;

2053,8 ლარი - 2005 წლის 20 სექტემბრამდე;

2053,8 ლარი - 2006 წლის 20 სექტემბრამდე;

2053,8 ლარი - 2007 წლის 20 სექტემბრამდე;

2053,8 ლარი - 2008 წლის 20 სექტემბრამდე;

2053,8 ლარი - 2009 წლის 20 სექტემბრამდე;

2053,8 ლარი - 2010 წლის 20 სექტემბრამდე;

2053,8 ლარი - 2011 წლის 20 სექტემბრამდე;

7. თანხების გადახდის წესი და პასუხისმგებლობა განისაზღვროს საქართველოს კანონმდებლობით;

8. გადაწყვეტილება შეიძლება გასაჩივრდეს ქ.თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

9. კონტროლი აღნიშნული გადაწყვეტილების შესრულებაზე დაევალოს კომისიის აპარატის სამაუწყებლო (თ.ძაგნიძე) სამსახურს.