გადაწყვეტილება N 438 პეიჯინგური კავშირით მომსახურებაზე ლიცენზიის მისაღებად კომერციული კონკურსის გამოცხადების შესახებ

გამოქვეყნების თარიღი ნოემბერი 08, 2002

მიღების თარიღი ნოემბერი 08, 2002

პეიჯინგური კავშირით მომსახურებაზე ლიცენზიის მისაღებად კომერციული კონკურსის გამოცხადების შესახებ

„კავშირგაბმულობისა და ფოსტის შესახებ” საქართველოს კანონის 362-ე მუხლის პირველი პუნქტის თანახმად, საქართველოს კომუნიკაციების ეროვნულმა კომისიამ

გადაწყვიტა:

1. გამოცხადდეს კომერციული კონკურსი (შემდგომში „კონკურსი”) ლიცენზიის მისაღებად:

ლიცენზიის სახე: სიხშირული სპექტრის გამოყენებით საქმიანობა;

ლიცენზიის სახეობა: პეიჯინგური კავშირით მომსახურება (ქ. თბილისი);

2. ლიცენზიის მაძიებლების განცხადებების მიღება მოხდეს 2002 წლის 11 ნოემბრის 10:00 საათიდან 2003 წლის 10 იანვრის 17:00 საათამდე;

3. ლიცენზიის მაძიებლის განცხადება და თანდართული დოკუმენტაცია უნდა აკმაყოფილებდეს „კავშირგაბმულობისა და ფოსტის შესახებ” საქართველოს კანონის 362 მუხლით დადგენილ მოთხოვნებს;

4. კონკურსის პირობები არ ითვალისწინებს ინვესტიციის განხორციელების ვალდებულებას;

5. კონკურსის პირობაა კომისიისათვის წარდგენილი დოკუმენტაციის ტექნიკურ სტანდარტებთან შესაბამისობა;

6. გამარჯვებულის გამოვლენის კრიტერიუმია - მაქსიმალური სალიცენზიო გადასახდელის გადახდა, რომლის შეთავაზება მოხდება ლიცენზიის მაძიებლის მიერ კონკურსის ჩატარების დროს;

7. სალიცენზიო გადასახდელის საწყისი ოდენობა განისაზღვროს თვრამეტი ათას შვიდას ოთხმოცდათორმეტი (18 792) ლარით;

8. ლიცენზიის მაძიებლის მიერ სალიცენზიო გადასახდელის საწყისი ოდენობის 10 %-ის გადახდა მოხდეს „კავშირგაბმულობისა და ფოსტის შესახებ” საქართველოს კანონის 362-ე მუხლის მე-7 პუნქტის შესაბამისად;

9. კონკურსში გამარჯვებული ლიცენზიის მაძიებლის მიერ სალიცენზიო გადასახდელის სრული ოდენობის გადახდა მოხდეს კომისიის გადაწყვეტილებით განსაზღვრული წესით;

10. კონკურსის ჩატარების თარიღად გამოცხადდეს 2003 წლის 17 იანვარი (16:00 საათი);

11. კონკურსის ჩატარების დროს ლიცენზიის მაძიებლის უფლებამოსილი წარმომადგენლის დასწრება სავალდებულოა;

12. დაევალოს საზოგადოებასთან ურთიერთობის კოორდინატორს გ. რატიშვილს აღნიშნული საკითხის საინფორმაციო უზრუნველყოფა;

13. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ. თბილისი რობაქიძის გამზ. 7ა) 6 თვის ვადაში;

14. კონტროლი აღნიშნული გადაწყვეტილების შესრულებაზე დაევალოს ტექნიკურ (მ. გოთოშია) სამსახურს.

კომისიის თავმჯდომარე ვ. აბაშიძე