კონტაქტი

საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ შპს „ჯი ბი ეს”-მა (რეგისტრირებული ქ. თბილისის კრწანისი-მთაწმინდის რაიონული სასამართლოს 2001 წლის 21 მარტის N 06/4-652 დადგენილებით) კომისიას მიმართა განცხადებით (N A-019, 17.02.03) რეტრანსლატორის გამოყენებაზე ნებართვის გაცემის შესახებ. შპს „ჯი ბი ეს”-ს კომისიის გადაწყვეტილებით (N 133/13; 28.03.03) მინიჭებული აქვს სიხშირეები, რომლებიც გამოყენებული უნდა იყოს ავტოსატრანსპორტო საშუალებებთან რადიოკავშირისთვის, შიდასაწარმოო და ტექნოლოგიური დანიშნულებით, არაკომერციული მიზნით.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის შესაბამისად, კომისიამ

გადაწყვიტა:

1. მიეცეს ნებართვა შპს „ჯი ბი ეს”-ს რეტრანსლატორის გამოყენებაზე თანდართული ტექნიკური მახასიათებლებით;

2. უზრუნველყოს შპს „ჯი ბი ეს”-მა რეტრანსლატორის გამოყენებისთვის მოქმედი კანონმდებლობით გათვალისწინებული სხვა ნებართვების მიღება;

3. შეტანილი იქნეს ინფორმაცია კომისიის ნებართვების უწყებრივ რეესტრში;

4. გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ.ძაგნიძე).

კომისიის თავმჯდომარე ვ. აბაშიძე

საქართველოს კომუნიკაციების ეროვნული კომისიის

2003 წლის 28 მარტის № გადაწყვეტილების

დანართი

რეტრანსლატორის ტექნიკური მახასიათებლები:

რეტრანსლატორის განთავსების ადგილმდებარეობა: მახათას მთაზე არსებული საანძო მეურნეობა, სიმაღლე ზღვის დონიდან 680 მ.

რეტრანსლატორის დასახელება და გამოსავალი სიმძლავრე: „კენვუდი 720”, გამოსავალი სიმძლავრე 20 ვტ.

ანტენების ტიპი, გაძლიერების კოეფიციენტი და სიმაღლე მიწის ზედაპირიდან: ვერტიკალური მანჭვალური, გაძლიერების კოეფიციენტი ჰორიზონტალურ სიბრტყეში 3 დბ, სიმაღლე მიწის ზედაპირიდან 15 მ.

რადიოარხის მიერ დაკავებული ზოლის სიგანე: 25 კჰც.