კონტაქტი

საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ შპს „სამაუწყებლო კომპანია რუსთავი 2”-მა კომისიას მიმართა განცხადებით (31.03.2003) მოძრავი სატელევიზიო სადგურის ექსპლოატაციაზე ნებართვის გაცემის შესახებ. შპს „სამაუწყებლო კომპანია რუსთავი 2” ლიცენზიის (N 908, 07.04.1999) პირობების შესაბამისდ აწარმოებს ტელეპროგრამების ტრანსლირებას ქ. თბილისში მე-12 სატელევიზიო არხზე 1 კვტ სიმძლავრის გადამცემის გამოყენებით.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის შესაბამისად, კომისიამ

გადაწყვიტა:

1. მიეცეს ნებართვა შპს „სამაუწყებლო კომპანია რუსთავი 2”-ს მოძრავი სატელევიზიო სადგურის ექსპლოატაციაზე.

2. უზრუნველყოს შპს „სამაუწყებლო კომპანია რუსთავი 2”-მა მოქმედი კანონმდებლობით გათვალისწინებული სხვა ნებართვების მიღება;

3. შეტანილი იქნეს ინფორმაცია კომისიის ნებართვების უწყებრივ რეესტრში;

4. გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ.ძაგნიძე).

კომისიის თავმჯდომარე ვ. აბაშიძე