კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ საქართველოს ტრანსპორტისა და კომუნიკაციების სამინისტრომ კომისიას მიმართა განცხადებით (N 04/1170; 14.05.03) წარმოდგენილი დოკუმენტაციის (N 001/03; 29.02.03.) შესაბამისად საქართველოში მაღალსიხშირული მოწყობილობების შემოტანის ნებართვის გაცემის თაობაზე. მაღალსიხშირული მოწყობილობები (რადიოსარელეო ხაზის შემადგენელი ნაწილები) გამოყენებული უნდა იყოს ქ. თბილისში ტრანსპორტისა და კომუნიკაციების სამინისტროს საოფისე შენობებში (რუსთაველის გამზ N 12 და ყაზბეგის გამზ. N 12) განლაგებული ლოკალური კომპიუტერული ქსელების ერთმანეთთან დასაკავშირებლად რადიო-მოდემების საშუალებით.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. მიეცეს ნებართვა საქართველოს ტრანსპორტისა და კომუნიკაციების სამინისტროს შემოიტანოს საქართველოს ტერიტორიაზე თანდართული დოკუმენტაციით (N 001/03; 29.02.03.) გათვალისწინებული მაღალსიხშირული მოწყობილობები;

2.უზრუნველყოს საქართველოს ტრანსპორტისა და კომუნიკაციების სამინისტროს აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში;

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე ვ. აბაშიძე