გადაწყვეტილება N 246 სს “საქართველოს ელექტროკავშირი”-სათვის ნუმერაციის რესურსის გამოყენებაზე ნებართვის გაცემის შესახებ

საქართველოს კომუნიკაციების ეროვნული კომისია (შემდგომში „კომისია„) აღნიშნავს, რომ სს „საქართველოს ელექტროკავშირმა„ კომისიას მიმართა განცხადებით (N 14-4/1-133 07.05.2003) მისთვის ადგილობრივი სატელეფონო კავშირის სისტემითა და ქსელით მომსახურების განსახორციელებლად ნუმერაციის რესურსის გამოყენებაზე ნებართვის გაცემის შესახებ.

სს „საქართველოს ელექტროკავშირი„ ფლობს N 247 ლიცენზიას ადგილობრივი სატელეფონო კავშირის სისტემითა და ქსელით მომსახურებაზე და მომსახურების განსახორციელებლად წლების განმავლობაში იყენებს ნუმერაციის რესურსს. ნუმერაციის რესურსის გამოყენების მოქმედ კანონმდებლობასთან შესაბამისობაში მოყვანის მიზნით      სს „საქართველოს ელექტროკავშირი„ ითხოვს „კავშირგაბმულობისა და ფოსტის შესახებ„ საქართველოს კანონის 49 მუხლით გათვალისწინებულ ნებართვას.

„კავშირგაბმულობისა და ფოსტის შესახებ” საქართველოს კანონის 49-ე მუხლის თანახმად, კომისიამ

გადაწყვიტა:

1.                  მიეცეს ნებართვა სს „საქართველოს ელექტროკავშირს” ადგილობრივი სატელეფონო კავშირის სისტემითა და ქსელით მომსახურების განსახორციელებლად N 247 ლიცენზიის მოქმედების ვადით ისარგებლოს ნუმერაციის რესურსით წინამდებარე გადაწყვეტილების დანართში მითითებულ ჩამონათვალის მიხედვით.

2.                  კანონმდებლობის ცვლილების შემთხვევაში სს „საქართველოს ელექტროკავშირი”-სთვის ნუმერაციის რესურსის გამოყენების საკითხი შესაბამისობაში იქნეს მოყვანილი საქართველოს კანონმდებლობასთან;

3.                  გადაწყვეტილება შეიძლება გასაჩივრდეს ქ. თბილისის საოლქო                სასამართლოში  (ქ. თბილისი რობაქიძის გამზ. 7ა)  6  თვის ვადაში;

4.                  კონტროლი აღნიშნული გადაწყვეტილების შესრულებაზე დაევალოს  ტექნიკურ სამსახურს (მ. გოთოშია).

კომისიის თავმჯდომარე                                           ვ. აბაშიძე

დანართი

შენიშვნა: თბილისის ყველა ინდექსი 6 ციფრიანია.