კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ საქართველოს მეცნიერებათა აკადემიამ კომისიას მიმართა განცხადებით (N010107-390/177 11.05.2003), სადაც იგი ითხოვს მისი კუთვნილი N 738 ლიცენზიის გაუქმებას და ამ ლიცენზიაში დაფიქსირებული სიხშირეების მის მიერ დაფუძნებულ კავშირი საქართველოს სამეცნიერო-საგანმანათლებლო კომპიუტერული ქსელების ასოციაცია გრენა„-სათვის მინიჭებას. 2003 წლის 13 ივნისის კომისიის N 275/4 გადაწყვეტილებით, გაუქმდა საქართველოს მეცნიერებათა აკადემიის N 738 ლიცენზია.

კავშირი საქართველოს სამეცნიერო-საგანმანათლებლო კომპიუტერული ქსელების ასოციაცია გრენა„ ფლობს N 1319 ლიცენზიას და ახორციელებს მონაცემთა გადაცემისა და ინტერნეტის ქსელით მომსახურებას. საერთაშორისო რადიოკავშირის რეგლამენტის თანახმად, 2412 და 2427 მგჰც სიხშირეები მიეკუთვნება არალიცენზირებულ სიხშირეებს.

„კავშირგაბმულობისა და ფოსტის შესახებ” საქართველოს კანონის 42-ე მუხლის პირველი პუნქტის „ბ” ქვეპუნქტისა და 48-ე მუხლის მე-2 პუნქტის საფუძველზე, კომისიამ

გადაწყვიტა:

1. მიენიჭოს კავშირი საქართველოს სამეცნიერო-საგანმანათლებლო კომპიუტერული ქსელების ასოციაცია გრენა„-ს 2412 და 2427 მგჰც სიხშირეები მეორადი გამოყენების უფლებით;

2. აღირიცხოს კავშირი საქართველოს სამეცნიერო-საგანმანათლებლო კომპიუტერული ქსელების ასოციაცია გრენა„-სათვის მინიჭებული სამუშაო სიხშირეები კომისიის შესაბამის უწყებრივ რეესტრში;

3. კანონმდებლობის ცვლილების შემთხვევაში კავშირი საქართველოს სამეცნიერო-საგანმანათლებლო კომპიუტერული ქსელების ასოციაცია გრენა„ ვალდებულია სიხშირეების მინიჭების საკითხი შესაბამისობაში იქნეს მოყვანილი კანონმდებლობასთან;

4. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ. თბილისი რობაქიძის გამზ. 7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს ტექნიკურ სამსახურს (მ. გოთოშია).

კომისიის თავმჯდომარე ვ. აბაშიძე