კონტაქტი

საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ შპს „ტექნო მედიამ” (რეგისტრირებული ქ. თბილისის დიდუბე-ჩუღურეთის რაიონული სასამართლოს 2001 წლის 27 დეკემბრის N 2/4-3018 დადგენილებით) კომისიას მიმართა განცხადებით (N 96; 15.06.03.) მაღალსიხშირული მოწყობილობების (რადიოსარელეო სადგურები) ექსპლოატაციაზე ნებართვის გაცემის შესახებ. მაღალსიხშირული მოწყობილობები საქართველოში შემოტანილი იქნა კომისიას მიერ გაცემული ნებართვის (კომისიის გადაწყვეტილება N 464/7; 29.11.02) საფუძველზე. რადიოსარელეო ხაზები განსაზღვრულია სტუდიიდან და მოძრავი სატელევიზიო სადგურებიდან ტელეგადამცემი სადგურისთვის სიგნალის მისაწოდებლად და გამოყენებული უნდა იყოს შიდასაწარმოო და ტექნოლოგიურ დანიშნულებით, არაკომერციული მიზნით.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის შესაბამისად, კომისიამ

გადაწყვიტა:

1.მიეცეს ნებართვა შპს „ტექნო მედიას” მაღალსიხშირული მოწყობილობების ექსპლოატაციაზე დანართში (თან ერთვის) მითითებული ჩამონათვალის მიხედვით;

2.უზრუნველყოს შპს „ტექნო მედიამ” მაღალსიხშირული მოწყობილობების ექსპლოატაციაზე მოქმედი კანონმდებლობით გათვალისწინებული საჭირო ნებართვების მიღება;

3.შეტანილი იქნეს ინფორმაცია კომისიის ნებართვების უწყებრივ რეესტრში;

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ.ძაგნიძე).

კომისიის თავმჯდომარე ვ. აბაშიძე

საქართველოს კომუნიკაციების ეროვნული კომისიის

2003 წლის 4 ივლისის N გადაწყვეტილების

დანართი

მაღალსიხშირული მოწყობილობების ტექნიკური მახასიათებლები:

N	განთავსების ადგილი	სარელეო აპარატურის ტიპი	სარხნო N	სიმძლავრე (ვტ)	სიხშირე (მგჰც)
1	ქ.თბილისი, მ.ალექსიძის 3.	AL13D4E1	Reg№60472405	0.1	12877
2	ქ. თბილისი მოძრავი„	PTV	№8525200990 SAA980600300	1	12905
3	ქ. თბილისი მოძრავი„	PTV	№852910400 SAA980600352	1	13031
4	ქ. თბილისი მოძრავი„	PTV	PTVPR90 №852910400-1 SAA980600299	1	13199