კონტაქტი

საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელ კომპანიებში საერთაშორისო ტრაფიკთან დაკავშირებული ფინანსურ-ეკონომიკური მონაცემების შემოწმების შესახებ

„საერთაშორისო სატელეფონო კავშირით მომსახურებაზე ზღვრული ტარიფების დამტკიცების თაობაზე” საქართველოს კომუნიკაციების ეროვნული კომისიის 2001 წლის 22 მაისის N5 დადგენილების, საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელ კომპანიებში საერთაშორისო ტრაფიკთან დაკავშირებული ტექნიკური და ფინანსურ-ეკონომიკური მონაცემების, კომისიის 2001 წლის 10 ივლისის N6 დადგენილებით დამტკიცებული „კავშირგაბმულობის ქსელების ურთიერთჩართვის შესახებ” დებულების შესაბამისად განსაზღვრული ვალდებულებების, აგრეთვე, სალიცენზიო პირობების შესრულების მდგომარეობის შემოწმების შესახებ

საქართველოს კომუნიკაციების ეროვნული კომისია (შემდგომში-კომისია) აღნიშნავს, რომ „საერთაშორისო სატელეფონო კავშირით მომსახურებაზე ზღვრული ტარიფების დამტკიცების თაობაზე” კომისიის 2001 წლის 22 მაისის N5 დადგენილებაში ცვლილებებისა და დამატებების შეტანის თაობაზე„ კომისიის დადგენილების პროექტზე საჯარო ადმინისტრაციული წარმოება შპს „საქართველოს ტელეკომის” და სს „ეგრისის” წერილების საფუძველზე დაიწყო.აღნიშნულ საკითხზე შესაბამისი გადაწყვეტილების მიღებამდე კომისიას მიზანშეწონილად მიაჩნია საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელი კომპანიების მიერ „საერთაშორისო სატელეფონო კავშირით მომსახურების ზღვრული ტარიფების დამტკიცების თაობაზე” კომისიის 2001 წლის 22 მაისის N5 დადგენილებით განსაზღვრული საერთაშორისო სატელეფონო ზღვრული ტარიფების დაცვის ტექნიკური და ფინანსურ-ეკონომიკური მაჩვენებლების, კომისიის 2001 წლის 10 ივლისის N6 დადგენილებით დამტკიცებული „კავშირგაბმულობის ქსელების ურთიერთჩართვის შესახებ” დებულების შესაბამისად განსაზღვრული ვალდებულებების, აგრეთვე, სალიცენზიო პირობების შესრულების მდგომარეობის შესწავლა, გაანალიზება და განზოგადება.

კავშირგაბმულობისა და ფოსტის შესახებ” საქართველოს კანონის მე-20 მუხლის მე-5 პუნქტის „ი” ქვეპუნქტისა და 34-ე მუხლის პირველი პუნქტის „ბ” პუნქტის, 46-ე მუხლის მე-2 პუნქტის, 27-ე მუხლის მე-3 პუნქტის შესაბამისად, საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელი კომპანიების მიერ „საერთაშორისო სატელეფონო კავშირით მომსახურების ზღვრული ტარიფების დამტკიცების თაობაზე” კომისიის 2001 წლის 22 მაისის N5 დადგენილებით განსაზღვრული საერთაშორისო სატელეფონო ზღვრული ტარიფების დაცვის, ლიცენზიის მფლობელთა მიერ კომისიაში წარმოდგენილი ინფორმაციის ფაქტობრივ მონაცემებთან

შესაბამისობის, კომისიის 2001 წლის 10 ივლისის N6 დადგენილებით დამტკიცებული

„კავშირგაბმულობის ქსელების ურთიერთჩართვის შესახებ” დებულების შესაბამისად განსაზღვრული ვალდებულებების, აგრეთვე, სალიცენზიო პირობების შესრულების მდგომარეობის შემოწმების მიზნით, კომისიამ

გადაწყვიტა:

1. შეიქმნას სამუშაო ჯგუფი კომისიის აპარატის შემდეგი თანამშრომლების შემადგენლობით: რ. სვანიძე (ჯგუფის ხელმძღვანელი), გ. გიორგაძე, მ.გოთოშია, ი. აბულაძე, ე.ასანიძე.

2. დაევალოთ სამუშაო ჯგუფის წევრებს მოქმედი კანონმდებლობით დადგენილი წესით, კომისიის საქმიანობის მარეგულირებელი წესების მე-6 თავის („კომისიის მიერ შემოწმების ჩატარებისა და ადმინისტრაციული სამართალდარღვევის საქმის წარმოების შესახებ”) შესაბამისად, 2003 წლის 4 აგვისტოდან განახორციელონ საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელი კომპანიების მიერ „საერთაშორისო სატელეფონო კავშირით მომსახურების ზღვრული ტარიფების დამტკიცების თაობაზე” კომისიის 2001 წლის 22 მაისის N5 დადგენილებით განსაზღვრული საერთაშორისო სატელეფონო კავშირის ზღვრული ტარიფების დაცვის, ლიცენზიის მფლობელთა მიერ კომისიაში წარმოდგენილი ინფორმაციის ფაქტობრივ მონაცემებთან შესაბამისობის, კომისიის 2001 წლის 10 ივლისის N6 დადგენილებით დამტკიცებული „კავშირგაბმულობის ქსელების ურთიერთჩართვის შესახებ” დებულების შესაბამისად განსაზღვრული ვალდებულებების, აგრეთვე, სალიცენზიო პირობების შესრულების მდგომარეობის შემოწმება საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელ კომპანიებში (დანართი N1).

3. მიენიჭოთ ერთობლივად სამუშაო ჯგუფის წევრებს : რ.სვანიძეს, გ.გიორგაძეს, მ.გოთოშიას, ი.აბულაძეს, ე.ასანიძეს ადმინისტრაციული სამართალდარღვევის ოქმის შედგენის უფლებამოსილება, საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელი კომპანიების შემოწმებისას საქართველოს ადმინისტრაციულ სამართალდარღვევათა კოდექსის 144/1-144/9 მუხლებით გათვალისწინებულ სამართალდარღვევათა გამოვლენის შემთხვევაში.

4. ეთხოვოთ საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელი კომპანიების (დანართი N1) ხელმძღვანელ პირებს სამუშაო ჯგუფის საქმიანობის ხელშეწყობა, თანდართული საკითხთა ჩამონათვალით (დანართი N2) განსაზღვრული, სამუშაო ჯგუფის მიერ მოთხოვნილი სხვა აუცილებელი ინფორმაციის და დოკუმენტაციის მიწოდების უზრუნველყოფა.

5. სამუშაო ჯგუფმა უზრუნველყოს საქალაქთაშორისო და საერთაშორისო სატელეფონო კავშირით მომსახურებაზე ლიცენზიის მფლობელი კომპანიების შემოწმების შედეგების გაანალიზება და განზოგადება, ყველა დაინტერესებული პირისათვის, მათ შორის, კომისიის 2002წ 2 აგვისტოს N287/11 გადაწყვეტილებით შექმნილი მონიტორინგის ჯგუფისათვის ხელმისაწვდომობა.

5. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ. თბილისი, რობაქიძის გამზ. 7ა) ექვსი თვის ვადაში;

6. კონტროლი გადაწყვეტილების შესრულებაზე დაევალოს კომისიის აპარატის ეკონომიკურ სამსახურს (გ. ბუთბაია).

კომისიის თავმჯდომარე ვ. აბაშიძე

საქართველოს კომუნიკაციების ეროვნული

კომისიის 2003წ 4 ივლისის №324/17 გადაწყვეტილების დანართი N1

N	ლიცენზიის N	საქალაქთაშორისო და საერთაშორისო კავშირით მომსახურებაზე ლიცენზიის მფლობელი ორგანიზაციები
1	15	შპს „საქართველოს ტელეკომი„
2	339	შპს მაგთიკომი„
3	345	სს ეგრისი„
4	376	შპს ინფოკომი„
5	586	შპს გლობალ ერთი„
6	728	შპს ინფოტელი„
7	813	შპს მაკროკომი„
8	829	შპს კავკასიის ციფრული ქსელები„
9	843	შპს კეთილი ნების კომუნიკაციები„
10	849	სს საქართველოს ელექტროკავშირი„
11	878	შპს საქტელკომ პლიუსი„
12	1125	შპს GTC ინტერნაციონალი„
13	1161	შპს საქალაქთაშორისო სატელეფონო კავშირის ცენტრი„
14	1184	შპს ლაგი„
15	1191	შპს ჯეოსელი„
16	1207	შპს ულტრა კომუნიკაციები„
17	1210	შპს ინტერნეტი ყველასათვის„
18	1216	შპს ხეთა„
19	1260	შპს რუსთავი 2 ონლაინი„
20	1275	შპს აიეტი„
21	1283	შპს საქართველოს ცენტრალური კავშირგაბმულობის კორპორაცია„
22	1285	შპს ვანექსი„
23	1289	შპს კავკასუს ნეთვორქი„
24	1303	ტარო ბ.ვ.ი. ინვესტმენტ ინკ„-ის წარმომადგენლობა საქართველოში
25	1297	შპს ინტელკომი„
26	1298	შპს ტრანსკომი„
27	1306	შპს ST Georgia„
28	1330	შპს რეალკომი„
29	1332	შპს საქტელი„
30	1345	შპს ახტელი„