გადაწყვეტილება N 334 შპს “მზეს” N 1302 ლიცენზიის გაუქმების შესახებ

შპს „მზეს” N 1302 ლიცენზიის გაუქმების შესახებ

საქართველოს კომუნიკაციების ეროვნული კომისია (შემდგომში „კომისია„) აღნიშნავს, რომ შპს „მზემ”  2003 წლის 2 ივნისს კომისიას  მიმართა განცხადებით (N 51/2003) და მოითხოვა მისი N 1302 ლიცენზიის გაუქმება, ვინაიდან ლიცენზიით გათვალისწინებულ საქმიანობას – საფოსტო კავშირით მომსახურებას, კომპანია არ ახორციელებს.

ზემოაღნიშნულიდან გამომდინარე, „კავშირგაბმულობისა და ფოსტის შესახებ” საქართველოს კანონის მე-40 მუხლის პირველი პუნქტის „ბ„ ქვეპუნქტის საფუძველზე საქართველოს კომუნიკაციების ეროვნულმა კომისიამ

გ ა დ ა წ ყ ვ ი ტ ა:

1. გაუქმდეს შპს „მზეს” N 1302 ლიცენზია ლიცენზიის მფლობელის მოთხოვნის გამო;

2. შეტანილ იქნეს სათანადო მონაცემები კომისიის უწყებრივ სალიცენზიო რეესტრში;

3. დაევალოს კომისიის აპარატის იურიდიულ სამსახურს „სამეწარმეო საქმიანობის ლიცენზიისა და ნებართვის გაცემის საფუძვლების შესახებ„ საქართველოს კანონის 34-ე მუხლის მე-3 და მე-8 პუნქტებით გათვალისწინებული მონაცემების სახელმწიფო სალიცენზიო რეესტრში გატარება და ლიცენზიის გაუქმების თაობაზე ინფორმაციის „საქართველოს საკანონმდებლო მაცნეში„ გამოქვეყნება;

4. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

5. კონტროლი აღნიშნული გადაწყვეტილების შესრულებაზე დაევალოს ტექნიკურ სამსახურს (მ.გოთოშია).

კომისიის თავმჯდომარე                                           ვ.აბაშიძე