კონტაქტი

საქართველოს კომუნიკაციების ეროვნული კომისია (შემდგომში „კომისია") აღნიშნავს, რომ შპს „ორიონმა” (რეგისტრირებული ქ. სოხუმის საქალაქო და რაიონული სასამართლოს 2002 წლის 23 სექტემბრის N ა/4100/58-27 დადგენილებით) კომისიას მიმართა განცხადებით (N 15; 08.09.03) წარმოდგენილი დოკუმენტაციის (N 2/12.08.2003) შესაბამისად საქართველოში მაღალსიხშირული მოწყობილობების შემოტანაზე ნებართვის მიღებასთან დაკავშირებით. უფლებებისა და თავისუფლებების დაცვის შპს „ორიონს” საქართველოს კომუნიკაციების ეროვნული კომისიის გადაწყვეტილებით (N 68/13; 21.02.03) ქ. თბილისში მიენიჭა სამუშაო სიხშირეები დაცვის სისტემის ორგანიზებისთვის. მაღალსიხშირული მოწყობილობები (დაცვის მონიტორინგის სისტემები) გამოყენებული უნდა იყოს საზოგადოების საწესდებო ფუნქციების განსახორციელებლად.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების შესაბამისად, კომისიამ

გადაწყვიტა:

1. მიეცეს ნებართვა შპს „ორიონს” შემოიტანოს საქართველოს ტერიტორიაზე თანდართული დოკუმენტაციის (N 2/12.08.2003) გათვალისწინებული მაღალსიხშირული მოწყობილობები;

2.უზრუნველყოს შპს „ორიონმა” აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობის გამოყენებაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში;

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე