კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ შპს „ჯესკომ„ (რეგისტრირებული ქ.თბილისის ვაკე-საბურთალოს რ-ნის სასამართლოს მიერ 2001 წლის 22 მაისის N 5/4-2870 დადგენილებით) კომისიას მიმართა განცხადებით წარმოდგენილი დოკუმენტაციების (N 70205, 04.08.03. და N 70207, 04.08.03.) შესაბამისად საქართველოში მაღალსიხშირული მოწყობილობების (დაცვითი სიგნალიზაციის მიმღებ - გადამცემი რადიოსადგურები) შემოტანის ნებართვის მიღების თაობაზე. მაღალსიხშირული მოწყობილობები გათვალისწინებულია შპს უშიშროებისა და საკუთრების დაცვის სამსახურისთვის„, რომელსაც კომისიის გადაწყვერილებით (N 347/13, 18.07.03.) მინიჭებული აქვს სიხშირე.

საქართველოს კომუნიკაციების ეროვნულმა კომისიამ „კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების შესაბამისად

გადაწყვიტა:

1.მიეცეს ნებართვა შპს „ჯესკოს” შემოიტანოს საქართველოს ტერიტორიაზე თანდართული დოკუმენტაციებით (N 70205, 04.08.03. და N 70207, 04.08.03.) გათვალისწინებული მაღალსიხშირული მოწყობილობები;

2.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);

3.გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ. 7ა) 6 თვის ვადაში;

4.კონტროლი აღნიშნული გადაწყვეტილების შესრულებაზე დაევალოს სიხშირეტა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე