კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ სამშენებლო-სანარდო და სავაჭრო სს აისელმა„ (რეგისტრირებული ქ. თბილისის დიდუბე-ჩუღურეთის რაიონული სასამართლოს 2003 წლის 28 მაისის N 2/8-185 დადგენილებით) კომისიას მიმართა განცხადებებით (N OL-0019, 23.09.03.) წარმოდგენილი დოკუმენტაციის (N 006459; 15.09.03.) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. სამშენებლო-სანარდო და სავაჭრო სს აისელი„ საქართველოში ახორციელებს ამერიკის შეერთებული შტატების საელჩოს ახალი კომპლექსის მშენებლობას (საპროექტო-სამშენებლო საქმინობაზე სახელმწიფო ლიცენზია N 3203). მაღალსიხშირული მოწყობილობები (სატარებელი რადიოსადგურები) გამოყენებული უნდა იყოს რადიოკავშირის ქსელში ფუნქციონირებისთვის.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა სამშენებლო-სანარდო და სავაჭრო სს აისელს„ შემოიტანოს საქართველოს ტერიტორიაზე თანდართული დოკუმენტაციით (N 006459; 15.09.03.) გათვალისწინებული მაღალსიხშირული მოწყობილობები;

2.უზრუნველყოს კომპანია „სამშენებლო-სანარდო და სავაჭრო სს აისელმა„ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორიგის სამსახურს (თ. ძაგნიძე).

კომისიის თავმჯდომარე ვ.აბაშიძე