კონტაქტი

საქართველოს კომუნიკაციების ეროვნული კომისია (შემდგომში „კომისია") აღნიშნავს, რომ სახეობათა კონსერვაციის სამეცნიერო-კვლევითმა ცენტრმა კომისიას მიმართა განცხადებით (# 03-30, 09.07.03.) დედოფლისწყაროს რაიონში 100 კილოჰერციანი ზოლის მინიჭების თაობაზე. სახეობათა კონსერვაციის სამეცნიერო-კვლევითი ცენტრი აწარმოებს ზოოლოგიური კვლევის პროგრამას, რომლის ფარგლებშიც დაგეგმილია ცხოველთა შესწავლა რადიო-ტელემეტრიის (პელენგაციის) საშუალებით. სიხშირეები გამოყენებული უნდა იყოს სამეცნიერო-კვლევითი სამუშაოებისთვის შიდასაწარმოო და ტექნოლოგიური დანიშნულებით, არაკომერციული მიზნით .

„კავშირგაბმულობისა და ფოსტის შესახებ” საქართველოს კანონის 42-ე მუხლის პირველი პუნქტის „ბ” ქვეპუნქტის, 48-ე მუხლის მე-2 პუნქტისა და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად, კომისიამ

გადაწყვიტა:

1. მიენიჭოს სახეობათა კონსერვაციის სამეცნიერო-კვლევით ცენტრს 100 კილოჰერციანი ზოლი 147.350 მგჰც-დან 147.450 მგჰც-მდე დედოფლისწყაროს რაიონში, კერძოდ ჭაჭუნის აღკვეთილისა და დალის მთის მიმდებარე ტერიტორიებზე, რადიოკავშირისთვის შიდასაწარმოო და ტექნოლოგიური დანიშნულებით, არაკომერციული მიზნით ერთი წლის ვადით;

2. აღირიცხოს სახეობათა კონსერვაციის სამეცნიერო-კვლევითი ცენტრისთვის მინიჭებული სიხშირეები კომისიის შესაბამის ნებართვების უწყებრივ რეესტრში (ზ. გონჯილაშვილი);

3. უზრუნველყოს სახეობათა კონსერვაციის სამეცნიერო-კვლევითმა ცენტრმა კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

4. კანონმდებლობის ცვლილების შემთხვევაში სახეობათა კონსერვაციის სამეცნიერო-კვლევითი ცენტრისთვის სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6. კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე