გადაწყვეტილება N 552 საქართველოს კომუნიკაციების ეროვნული კომისიის 2003 წლის N 48 სხდომის დღის წესრიგის დამტკიცების შესახებ

საქართველოს კომუნიკაციების ეროვნული კომისიის

2003 წლის N 48 სხდომის დღის წესრიგის დამტკიცების შესახებ

2003 წლის 28 ოქტომბრის საქართველოს კომუნიკაციების  ეროვნული კომისიის (შემდგომში „კომისია”) N 48 სხდომაზე წარმოდგენილი დღის წესრიგის პროექტის თაობაზე, კომისიამ კენჭისყრის შედეგად ერთხმად

გადაწყვიტა:

1. წარმოდგენილ N 48 სხდომის დღის წესრიგის პროექტში დამატებით შეტანილ იქნეს ორი საკითხი:

·  საჯარო სამართლის იურიდიული პირის „აჭარის ტელევიზია და რადიომაუწყებლობა„ თავმჯდომარის ი. კრივორუკისთვის ადმინისტრაციული სახდელის დადების შესახებ (მოხს. კ.ყურაშვილი - იურიდიული სამსახურის უფროსი სპეციალისტი);

·  შპს „რადიო იმედისთვის„ საეთერო საერთო რადიომაუწყებლობაზე ლიცენზიის გაცემის შესახებ (მოხს. კ. ყურაშვილი - იურიდიული სამსახურის უფროსი სპეციალისტი);

2.  დამტკიცდეს კომისიის N 48 სხდომის დღის წესრიგი წარმოდგენილი სახით;

3. გადაწყვეტილება შეიძლება გასაჩივრდეს თბილისის საოლქო სასამართლოში                         (ქ. თბილისი,  რობაქიძის გამზ. 7ა)  6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს კომისიის აპარატის უფროსს ( ი. ხარებავა).

        კომისიის თავმჯდომარე                                                      ვ. აბაშიძე