კონტაქტი

საქართველოს კომუნიკაციების ეროვნული კომისია (შემდგომში კომისია) აღნიშნავს, რომ შპს ინტეროპტიკამ„ (რეგისტრირებული ქ. თბილისის ჩუღურეთის რაიონის სასამართლოს 1995 წლის 9 ოქტომბრის N 03/4-65 დადგენილებით) კომისიას მიმართა განცხადებით (N 11/3; 10.11.03) წარმოდგენილი დოკუმენტაციების (N 14848; N 14849 და N 14850, 06.11.03) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. შპს ინტეროპტიკა„ ლიცენზიის (N 795) პირობების შესაბამისად აწარმოებს საკაბელო ტელერადიოსამაუწყებლო ქსელით მომსახურებას. მაღალსიხშირული მოწყობილობები (სათაო სადგურის გამაძლიერებლები) გამოყენებული უნდა იყოს საკაბელო ქსელის ფუნქციონირებისთვის.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. მიეცეს ნებართვა შპს ინტეროპტიკას„ შემოიტანოს საქართველოს ტერიტორიაზე თანდართული დოკუმენტაციებით (N 14848; N 14849 და N 14850, 06.11.03) გათვალისწინებული მაღალსიხშირული მოწყობილობები;

2.უზრუნველყოს შპს ინტეროპტიკამ„ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების ექსპლოატაციაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

სხდომის თავმჯდომარე

კომისიის წევრი დ. პატარაია