კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ ს.ს. სახელმწიფოთაშორისო ტელერადიოკომპანია მირმა„ (რეგისტრირებული ქ. თბილისის კრწანისის რაიონის სასამართლოს 1995 წლის 26 ოქტომბრის N06/5-04 დადგენილებით) კომისიას მიმართა განცხადებით თანდართული ტექნიკური მახასიათებლების შესაბამისად საქართველოში მაღალსიხშირული მოწყობილობის შემოტანის ნებართვის გაცემის თაობაზე. ს.ს. სახელმწიფოთაშორისო ტელერადიოკომპანია მირი„ N 1337 ლიცენზიის პირობების შესაბამისად აწარმოებს ტელერადიოსამაუწყებლო თანამგზავრული სისტემების მიწისზედა სადგურებით მომსახურებას. მაღალსიხშირული მოწყობილობა (მოძრავი სატელევიზიო სატელიტური სადგური) გამოყენებული უნდა იყოს სატელევიზიო სიგნალების მისაწოდებლად.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. მიეცეს ნებართვა ს.ს. სახელმწიფოთაშორისო ტელერადიოკომპანია მირს„ სამი თვის ვადით შემოიტანოს საქართველოს ტერიტორიაზე მაღალსიხშირული მოწყობილობა (მოძრავი სატელიტური სადგური «Супер Лайт Сафари», მწარმოებელი კომპანია LNR”);

2.აღირიცხოს ინფორმაცია შემოტანილი მაღალსიხშირული მოწყობილობის შესახებ კომისიის ნებართვების უწყებრივ რეესტრში (ა. დაბრუნდაშვილი);

3.აცნობოს ს.ს. სახელმწიფოთაშორისო ტელერადიოკომპანია მირმა„ კომისიას შემოტანილი მაღალსიხშირული მოწყობილობის გატანის თაობაზე;

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

სხდომის თავმჯდომარე

კომისიის წევრი დ. პატარაია