კონტაქტი

საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ შპს „კავკასუს ნეტვორკმა” (რეგისტრირებული ქ. თბილისის საბურთალოს რაიონის სასამართლოს 1998 წლის 16 თებერვლის N 5ა/1-1929 დადგენილებით) კომისიას მიმართა განცხადებით (N 48, 13.11.03.) მონაცემთა გადაცემის ქსელით მომსახურებაზე ქ. თბილისში სიხშირეების მინიჭების თაობაზე. შპს „კავკასუს ნეტვორკი”, N 1074, 27.07.99. ლიცენზიის პირობების შესაბამისად, აწარმოებს მონაცემთა გადაცემისა და ინტერნეტის ქსელით მომსახურებას სიხშირეების გამოყენებით ქალაქებში: ბათუმი, ფოთი, ზუგდიდი, ქუთაისი, გორი, თბილისი, რუსთავი და თელავი. სიხშირეები განსაზღვრულია მომხმარებლისთვის მაღალი ხარისხის რადიო ინტერნეტის მისაწოდებლად და გამოყენებული უნდა იყოს შიდასაწარმოო და ტექნოლოგიური დანიშნულებით, არაკომერციული მიზნით.

„კავშირგაბმულობისა და ფოსტის შესახებ” საქართველოს კანონის 42-ე მუხლის პირველი პუნქტის „ბ” ქვეპუნქტის, 48-ე მუხლის მე-2 პუნქტისა და საქართველოს კომუნიკაციების ეროვნული კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად, კომისიამ

გადაწყვიტა:

1. მიენიჭოს შპს კავკასუს ნეტვორკს” 2053 2063 მგჰც სიხშირული დიაპაზონი რადიოკავშირის ქსელის ფუნქციონირებისთვის შიდასაწარმოო და ტექნოლოგიური დანიშნულებით, არაკომერციული მიზნით ერთი წლის ვადით;

2. აღირიცხოს შპს კავკასუს ნეტვორკისთვის” მინიჭებული სიხშირეები კომისიის შესაბამის ნებართვების უწყებრივ რეესტრში (ა. დაბრუნდაშვილი);

3. უზრუნველყოს შპს კავკასუს ნეტვორკმა” კომისიაში სათანადო ინფორმაციის წარმოდგენა მაღალსიხშირული მოწყობილობების ექსპლუატაციაზე ნებართვის მისაღებად;

4. კანონმდებლობის ცვლილების შემთხვევაში შპს კავკასუს ნეტვორკისთვის” სიხშირეების მინიჭების საკითხი შესაბამისობაში იქნეს მოყვანილი კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6. კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე