კონტაქტი

საქართველოს კომუნიკაციების ეროვნული კომისია (შემდეგში „კომისია”) აღნიშნავს, რომ შპს ფრონტერა ისტერნ ჯორჯიამ„ (რეგისტრირებული ქ. თბილისის ვაკის რაიონის სასამართლოს 1997 წლის 7 აგვისტოს N 5/4-1369 დადგენილებით) კომისიას მიმართა განცხადებით (N 197/15; 14.11.03.) მაღალსიხშირული მოწყობილობის გამოყენებაზე ნებართვის გაცემის შესახებ. შპს ფრონტერა ისტერნ ჯორჯია„ აწარმოებს ნავთობისა და გაზის საძიებო-კვლევით სამუშაოებს დედოფლისწყაროს ტერიტორიაზე. მაღალსიხშირული მოწყობილობა (მიწისზედა თანამგზავრული სადგური) განთავსებული იქნება დედოფლისწყაროს ტარიბანას ველის ტერიტორიაზე და გამოყენებული უნდა იყოს ინტერნეტ კავშირისთვის.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის, საქართველოს კომუნიკაციების ეროვნული კომისიის საქმიანობის მარეგულირებელი წესების მე-20 მუხლის პირველი პუნქტის დ„ ქვეპუნქტისა და 26-ე მუხლის პირველი პუნქტის შესაბამისად, კომისიამ

გადაწყვიტა:

1.მიეცეს ნებართვა შპს ფრონტერა ისტერნ ჯორჯიას„ მაღალსიხშირული მოწყობილობის (მიწისზედა თანამგზავრული სადგური) გამოყენებაზე ერთი წლის ვადით;

2.უზრუნველყოს შპს ფრონტერა ისტერნ ჯორჯიამ„ მაღალსიხშირული მოწყობილობის გამოყენებაზე მოქმედი კანონმდებლობით გათვალისწინებული საჭირო ნებართვების მიღება;

3.შეტანილი იქნეს ინფორმაცია კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ.ძაგნიძე).

კომისიის თავმჯდომარე ვ. აბაშიძე