კონტაქტი

შპს „ისტ ვესტ ჰელიკოპტერ სერვისის (გეორგია) კორპორაციისთვის” მაღალსიხშირული მოწყობილობების საქართველოში შემოტანაზე ნებართვის გაცემის შესახებ საქართველოს კომუნიკაციების ეროვნული კომისიის 2003 წლის 12 დეკემბრის N 630/7 გადაწყვეტილებაში ცვლილებების შეტანის თაობაზე

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ შპს „ისტ ვესტ ჰელიკოპტერ სერვისის (გეორგია) კორპორაციამ” (რეგისტრირებული ქ. თბილისის ისნის რაიონის სასამართლოს 1998 წლის 22 ივლისის N 7/4-8-1010 დადგენილებით) კომისიას მიმართა განცხადებით (N 1/18, 12.12.03) წარმოდგენილი დოკუმენტაციების (N GIA/A-001, 13.11.03 და N GIA/A-002, 01.12.03) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. აღნიშნულთან დაკავშირებით კომისიის მიერ მიღებული იქნა გადაწყვეტილება N 630/7 (12.12.03.), რის შემდგომაც ა/წლის 17 დეკემბერს კომისიას წერილობით მიმართა ბაქო-თბილისი-ჯეიჰანის მილსადენის კომპანიამ და შპს „ისტ ვესტ ჰელიკოპტერ სერვის (გეორგია) კორპორაციამ” (N 1/121), რომ მაღალსიხშირული მოწყობილობები თანდართული დოკუმენტაციის შესაბამისად განკუთვნილია შპს „ისტ ვესტ ჰელიკოპტერ სერვისის (გეორგია) კორპორაციისთვის”, ხოლო ტვირთის მიმღები არის ბაქო-თბილისი-ჯეიჰანის მილსადენის კომპანია, რომელიც წარმოადგენს მის კონტრაქტორ კომპანიას.

ზემოაღნიშნულიდან გამომდინარე კომისიას მიზანშეწონილად მიაჩნია შეტანილი იქნეს შესაბამისი ცვლილებები კომისიის N 630/7 (12.12.03.) გადაწყვეტილებაში.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1. შეტანილი იქნეს ცვლილებები კომისიის N 630/7 (12.12.03.) გადაწყვეტილებაში და გადაწყვეტილების პირველი და მეორე პუნქტები ჩამოყალიბდეს შემდეგი რედაქციით;

1. მიეცეს ნებართვა ბაქო-თბილისი-ჯეიჰანის მილსადენის კომპანიას შემოიტანოს საქართველოს ტერიტორიაზე თანდართული დოკუმენტაციით (N GIA/A-001, 13.11.03 და N GIA/A-002, 01.12.03) გათვალისწინებული მაღალსიხშირული მოწყობილობები;

2. უზრუნველყოს ბაქო-თბილისი-ჯეიჰანის მილსადენის კომპანიამ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;„

3.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე