კონტაქტი

საქართველოს კომუნიკაციების ეროვნული კომისიამ (შემდგომში „კომისია”) განიხილა რა კომისიის 2004 წლის პირველი კვარტლის სამუშაო გეგმის წარმოდგენილი პროექტი, კომისიის საქმიანობის მარეგულირებელი წესების მე-13 მუხლის მე-10 პუნქტის შესაბამისად

გ ა დ ა წ ყ ვ ი ტ ა:

1. დამტკიცდეს კომისიის 2004 წლის პირველი კვარტლის სამუშაო გეგმა (თან ერთვის) კომისიის სხდომაზე გამოთქმული შენიშვნებისა და წინადადებების გათვალისწინებით;

2. დაევალოს კომისიის აპარატის სტრუქტურულ დანაყოფებს უზრუნველყონ წინამდებარე სამუშაო გეგმით გათვალისწინებული დადგენილებებისა და გადაწყვეტილებების პროექტების კომისიის სხდომებზე დამტკიცებულ ვადებში წარმოდგენა;

3. აპარატის თათბირებზე პერიოდულად მოხსენდეს (ი. ხარებავა) კომისიის წევრებს ინფორმაცია სტრუქტურული დანაყოფების მიერ კომისიის 2004 წლის პირველი კვარტლის სამუშაო გეგმით გათვალისწინებული საკითხების შესრულებისა და მიმდინარეობის შესახებ;

4. კონტროლი აღნიშნული გადაწყვეტილების შესრულებაზე დაევალოს აპარატის ადმინისტრაციას (ი. ხარებავას).

კომისიის თავმჯდომარე ვ. აბაშიძე