კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ საქართველოს შინაგან საქმეთა სამინისტრომ კომისიას მიმართა განცხადებებით (N 9/1-590 და N 9/1-595, 18.03.04) წარმოდგენილი დოკუმენტაციების (N 170304-1A, 17.03.04; N 4024436 15.03.04; N 4024453 15.03.04 და N MOB4GEO010 22.03.04) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. მაღალსიხშირული მოწყობილობები (რეტრანსლატორი, მობილური და სატარებელი რადიოსადგურები) გამოყენებული უნდა იყოს ოპერატიული რადიოკავშირისთვის.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა საქართველოს შინაგან საქმეთა სამინისტროს შემოიტანოს საქართველოს ტერიტორიაზე თანდართული დოკუმენტაციით (N 170304-IA, 17.03.04) გათვალისწინებული მაღალსიხშირული მოწყობილობები;

2.მიეცეს ნებართვა საქართველოს შინაგან საქმეთა სამინისტროს შემოიტანოს საქართველოს ტერიტორიაზე თანდართული დოკუმენტაციებით (N 4024436 15.03.04; N 4024453 15.03.04 და N MOB4GEO010 22.03.04) გათვალისწინებული მაღალსიხშირული მოწყობილობები;

3.უზრუნველყოს საქართველოს შინაგან საქმეთა სამინისტრომ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

4.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);

5.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე