კონტაქტი

საქართველოს კომუნიკაციების ეროვნული კომისიის (შემდგომში „კომისია”) 2004 წლის 2 აპრილის N 19 სხდომაზე წარმოდგენილი დღის წესრიგის პროექტის მე-2 საკითხზე (საქართველოს კომუნიკაციების ეროვნული კომისიის 2003 წლის 10 ოქტომბრის N515/10 გადაწყვეტილებაში ცვლილებების შეტანის თაობაზე) დამატებითი მასალების მოძიებისა და სხდომის დღის წესრიგში მაღალსიხშირული მოწყობილობების საქართველოში შემოტანაზე ნებართვების გაცემის შესახებ დამატებითი საკითხების შეტანის მიზნით კომისიამ კენჭისყრის შედეგად ერთხმად

გადაწყვიტა:

1. გადატანილ იქნეს N 19 სხდომის დღის წესრიგის პროექტის მე-2 საკითხის განხილვა 2004 წლის 6 აპრილის კომისიის N 20 სხდომის დღის წესრიგის პროექტში;

2. წარმოდგენილ N 19 სხდომის დღის წესრიგის პროექტში დამატებით შეტანილ იქნეს 5 საკითხი:

· შპს მზესთვის„, ბრიტანული ჰუმანიტარული ორგანიზაცია ჰალო ტრასტისთვის„, კომპანია სპი კაპაგ-პეტროფაკ ინთერნეშენელ ლიმითედისთვის„, ბპ საქართველო ბაქო-თბილისი-ჯეიჰანი მილსადენი კომპანიისთვის„ და საქართველოს მილსადენის კომპანიისთვის (GPC) მაღალსიხშირული მოწყობილობების საქართველოში შემოტანაზე ნებართვების გაცემის შესახებ (მომხს. თ. ძაგნიძე - სიხშირეთა კოორდინაციისა და მონიტორინგის სამსახურის უფროსის მოვალეობის შემსრულებელი);

3. დამტკიცდეს კომისიის N 19 სხდომის დღის წესრიგი წარმოდგენილი სახით;

4. გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ. 7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს კომისიის აპარატის უფროსს (ი. ხარებავა).

კომისიის თავმჯდომარე ვ. აბაშიძე