კონტაქტი

რუსეთის ფედერაციის მიწისზედა თანამგზავრული სადგურისვის მინიჭებული სიხშირეების გამოყენებაზე თანხმობის გაცემის შესახებ საქართველოს კომუნიკაციების ეროვნულმა კომისიამ (შემდგომში „კომისია”) განიხილა რუსეთის ფედერაციის რადიოსიხშირეთა სამსახურის წერილი (№ UMS-50/2891; 31.12.03.) თანდართული ტექნიკური მახასიათებლებით რუსეთის ფედერაციის მიწისზედა თანამგზავრული სადგურისთვის VT2-5-GROZNYI (რომელიც იგეგმება STATSIONAR-5 სათანამგზავრო ქსელში) მინიჭებული სიხშირეების გამოყენების შესახებ. მიწისზედა თანამგზავრული სადგური რუსეთის ფედერაციის ტერიტორიაზე არის განთავსებული და 3 გგჰც და 6 გგჰც სიხშირულ დიაპაზონებში ფუნქციონირებენ. წარმოდგენილი ფორმის (ApS4/III) შესაბამისად, მიწისზედა თანამგზავრული სადგურების გამოყენება მონაცემთა გადასაცემად არის განსაზღვრული.

თანდართული ტექნიკური მახასიათებლების შესაბამისად, რუსეთის ფედერაციის სათანამგზავრო სამსახურის სადგური არ ქმნის ტელეკომუნიკაციების საერთაშორისო კავშირის ნორმებით გათვალისწინებულ მავნე ხელშეშლების მიუღებელ დონეებს საქართველოს ტერიტორიაზე მოქმედი ფიქსირებული და სათანამგზავრო სამსახურების სადგურებისთვის.

„კავშირგაბმულობისა და ფოსტის შესახებ” საქართველოს კანონის მე-19 მუხლის მე-3 პუნქტის შესაბამისად, კომისიამ

გადაწყვიტა:

1. მიეცეს თანხმობა რუსეთის ფედერაციის რადიოსიხშირეთა სამსახურის მიწისზედა თანამგზავრული სადგურისთვის VT2-5-GROZNYI მინიჭებული სიხშირეების გამოყენებაზე (№ UMS-50/2891; 31.12.03. წერილის დანართში აღნიშნული ტექნიკური მახასიათებლებით);

2. შეტანილი იქნეს ინფორმაცია კოორდინაციაზე წარდგენილი სადგურის შესახებ შესაბამის მონაცემთა ბაზაში (ზ. გონჯილაშვილი);

3. გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციისა და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე