კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ შპს ეგრისმა„ (რეგისტრირებული ქ. ფოთის საქალაქო სასამართლოს 2003 წლის 2 მარტის N 10/5/ბ-07 დადგენილებით) კომისიას მიმართა განცხადებით (N 3, 25.03.04.) თანდართული დოკუმენტაციის შესაბამისად, მაღალსიხშირული მოწყობილობების ექსპლოატაციაზე ნებართვის გაცემის შესახებ.

კომისია აღნიშნავს, რომ 2003 წლის 16 მაისის კომისიის N 208 და N 212 გადაწყვეტილებებით შპს ეგრისზე„ გაიცა ლიცენზია საკაბელო სატრანზიტო ქსელით მომსახურებაზე MMDS ტელემაუწყებლობის სისტემის გამოყენებით ქ. ფოთში და აღნიშნული საქმიანობის განსახორციელებლად მიენიჭა 2500-2564 მგჰც და 2612-2636 მგჰც სიხშირეები.

მაღალსიხშირული მოწყობილობა (MMDS მრავალსეგმენტიანი გადამცემი) გამოყენებული იქნება 2.5-2.7 გგჰც სიხშირულ დიაპაზონში ლოკალური უმავთულო გამანაწილებელი ქსელების მშენებლობის მიზნით მრავალარხიანი მაუწყებლობის ორგანიზებისთვის.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის, საქართველოს კომუნიკაციების ეროვნული კომისიის საქმიანობის მარეგულირებელი წესების მე-20 მუხლის პირველი პუნქტის ე„ ქვეპუნქტისა და 26-ე მუხლის მე-2 პუნქტის შესაბამისად, კომისიამ

გადაწყვიტა:

1. მიეცეს ნებართვა შპს ეგრისს„ მაღალსიხშირული მოწყობილობების ექსპლოატაციაზე დანართში (თან ერთვის) მითითებული ჩამონათვალის მიხედვით;

2. უზრუნველყოს შპს ეგრისმა" მაღალსიხშირული მოწყობილობების ექსპლოატაციისთვის მოქმედი კანონმდებლობით გათვალისწინებული საჭირო ნებართვების მიღება;

3. შეტანილი იქნეს ინფორმაცია კომისიის ნებართვების უწყებრივ რეესტრში (ა. დაბრუნდაშვილი);

4. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5. კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე