კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ შპს სამაუწყებლო კომპანია მეცხრე ტალღამ„ (რეგისტრირებული ქ. თბილისის კრწანისის რაიონული სასამართლოს 1998 წლის 11 ივნისის N06/4-776 დადგენილებით) კომისიას მიმართა განცხადებით (N 41; 07.05.04) წარმოდგენილი დოკუმენტაციის (N 03522A; 04/03/2004) შესაბამისად საქართველოში მაღალსიხშირული მოწყობილობის შემოტანის ნებართვის მიღების თაობაზე. შპს სამაუწყებლო კომპანია მეცხრე ტალღა„ N604 ლიცენზიის შესაბამისად ქ. ფოთში აწარმოებს სატელევიზიო მაუწყებლობას 35-ე სატელევიზიო არხზე. მაღალსიხშირული მოწყობილობა წარმოადგენს სამაუწყებლო გადამცემ სადგურს (მისი შემადგენელი ნაწილებით) და გამოყენებული იქნება ქ. ფოთში 35-ე სატელევიზიო არხზე ტელეპროგრამების ტრანსლირებისთვის.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა შპს სამაუწყებლო კომპანია მეცხრე ტალღას„ შემოიტანოს საქართველოს ტერიტორიაზე თანდართული დოკუმენტაციით (N 03522A; 04/03/2004) გათვალისწინებული მაღალსიხშირული მოწყობილობა;

2.უზრუნველყოს შპს სამაუწყებლო კომპანია მეცხრე ტალღამ„ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობის ექსპლოატაციაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობის შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ. აბაშიძე