კონტაქტი

საქართველოს კომუნიკაციების ეროვნული კომისია (შემდგომში ,,კომისია) აღნიშნავს, რომ შპს ,,სეტ-მა (რეგისტირებული ქ. თბილისის ვაკე-საბურთალოს რაიონული სასამართლოს 2004 წლის 11 მაისის დადგენილებით, რეგისრტაციის N5/4-3940) კომისიას მიმართა განცხადებით (18.05.2004 N7/177-04) წარმოდგენილი დოკუმენტაციის შესაბამისად რადიოელექტრონული საშუალებებისა და მაღალსიხშირული მოწყობილობების წარმოებაზე ნებართვის მიღების თაობაზე.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის, ,,საქართველოს კომუნიკაციების ეროვნული კომისიის საქმიანობის მარეგულირებელი წესების მე-20 მუხლის პირველი პუნქტის გ) ქვეპუნქტის და 26-ე მუხლის პირველი პუნქტის შესაბამისად, კომისიამ

გადაწყვიტა:

1. მიეცეს ნებართვა შპს „სეტ”-ს ერთი წლის ვადით შემდეგი სახის რადიოელექტრონული საშუალებებისა და მაღალსიხშირული მოწყობილობების წარმოებაზე:

ა) სატელევიზიო და რადიო გადამცემები;

ბ) სატელევიზიო და რადიო რეტრანსლიატორები;

გ) სატელეფონო რადიოდამაგრძელებლები;

დ) მოწყობილობები რადიოსარელეო ხაზებისათვის;

ე) საკაბელო ტელევიზიის მოდულატორები, გამაძლიერებლები და მათი აქსესუარები;

2. უზრუნველყოს შპს „სეტ”-მა მის მიერ წარმოებული რადიოელექტრონული საშუალებებისა და მაღალსიხშირული მოწყობილობების დადგენილ ტექნიკურ სტანდარტებთან შესაბამისობა.

3. უზრუნველყოს შპს „სეტ”-მა მის მიერ წარმოებული რადიოელექტრონული საშუალებებისა და მაღალსიხშირული მოწყობილობების ტექნიკურ სტანდარტებთან შესაბამისობის სერტიფიცირება.

4. უზრუნველყოს შპს „სეტ”-მა მის მიერ წარმოებული რადიოელექტრონული საშუალებებისა და მაღალსიხშირული მოწყობილობების რეალიზაციის ნებართვის მიღება საქართველოს კანონმდებლობით დადგენილი წესით.

5. შეტანილი იქნეს ინფორმაცია კომისიის ნებართვების უწყებრივ რეესტრში (ა. დაბრუნდაშვილი);

6. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

7. კონტროლი აღნიშნული გადაწყვეტილების შესრულებაზე დაევალოს კომისიის აპარატის სიხშირეთა კოორდინაციისა და მონიტორინგის სამსახურს (თ.ძაგნიძე)

კომისიის თავმჯდომარე ვ.აბაშიძე