გადაწყვეტილება N 371 საქართველოს კომუნიკაციების ეროვნული კომისიის 2004 წლის N 41 სხდომის დღის წესრიგის დამტკიცების შესახებ

საქართველოს კომუნიკაციების ეროვნული კომისიის

2004 წლის N 41 სხდომის დღის წესრიგის დამტკიცების შესახებ

                 საქართველოს კომუნიკაციების ეროვნული კომისიის (შემდგომში „კომისია”) 2004 წლის 16 ივლისის    N 41 სხდომაზე წარმოდგენილი დღის წესრიგის პროექტის თაობაზე კომისიის აპარატის მუშაობის რეგლამენტის მე-4 მუხლის მე-17 და მე-18 პუნქტების საფუძველზე, კომისიამ კენჭისყრის შედეგად ერთხმად

გადაწყვიტა:

1. გადატანილ იქნეს კომისიის მ/წლის N41 სხდომის დღის წესრიგის მე-5 (შპს „საკომუნიკაციო კომპანია სუფსა ტექნოკომის„ N1288 ლიცენზიის მოქმედების შეჩერების თაობაზე) და მე-6   (შპს „საქართველოს სატელეფონო კომპანია„-სთვის ნუმერაციის რესურსის გამოყენებაზე ნებართვის გაცემის შესახებ) საკითხები კომისიის N42 სხდომის დღის წესრიგის პროექტში;

2. წარმოდგენილ N 41 სხდომის დღის წესრიგის პროექტში დამატებით შეტანილ იქნეს  ექვსი საკითხი:

·         მაუწყებლობის სიხშირეთა განაწილების გეგმის დამდგენი დამოუკიდებელი ორგანოს დანიშვნის მიზნით ტენდერის გამოცხადების;

·        სს „საქართველოს ელექტროკავშირსა„ და შპს „ახალ ქსელებს„, სს „საქართველოს ელექტროკავშირსა„ და შპს „ახტელს„ შორის ურთიერთჩართვის ხელშეკრულების პირობების დადგენის შესახებ;

·      სს „საქართველოს ელექტროკავშირი„-სთვის, შპს „ვიქტორია„-სთვის, შპს „საქართველოს ხმის„-თვის და საქართველოს შინაგან საქმეთა სამინისტროსთვის მაღალსიხშირული მოწყობილობების საქართველოში შემოტანაზე ნებართვის გაცემის შესახებ;

3.  დამტკიცდეს კომისიის N 41 სხდომის დღის წესრიგი წარმოდგენილი სახით;

4. გადაწყვეტილება    შეიძლება    გასაჩივრდეს    თბილისის   საოლქო   სასამართლოში         (ქ. თბილისი,  რობაქიძის გამზ. 7ა)  6 თვის ვადაში;

5. კონტროლი აღნიშნული გადაწყვეტილების შესრულებაზე    დაევალოს კომისიის    აპარატის უფროსს (ი. ხარებავა).

კომისიის თავმჯდომარე                                 დ. ქიტოშვილი