კონტაქტი

საქართველოს კომუნიკაციების ეროვნული კომისია (შემდგომში „კომისია") აღნიშნავს, რომ სს საქართველოს სახალხო ბანკმა„ (რეგისტრირებული ქ. თბილისის მთაწმინდა-კრწანისის რაიონული სასამართლოს 1995 წლის 27 მარტის N 4/5-1 დადგენილებით) კომისიას მიმართა განცხადებით (N 01065/1557, 12.07.04) ქ. თბილისში მეტრულ ტალღათა დიაპაზონში ორი სიხშირის მინიჭების თაობაზე. კომისია აღნიშნავს, რომ სს აგრომრეწვბანკს„, რომლის სამართალმემკვიდრეს წარმოადგენს სს საქართველოს სახალხო ბანკი„ (ქ. თბილისის მთაწმინდა-კრწანისის რაიონული სასამართლოს 2002 წლის 7 ოქტომბრის დადგენილება ცვლილებების შესახებ), კომისიის N 278/13, 26.07.02. გადაწყვეტილებით მიენიჭა სიხშირეები 136.000 მგჰც და 174.000 მგჰც. საქართველოს კომუნიკაციების ეროვნული კომისიის საქმიანობის მარეგულირებელი წესების 53-ე მუხლის 1 პუნქტის თანახმად აღნიშნული სიხშირეების მოქმედების ვადა გავიდა მიმდინარე წლის 14 ივლისს.

„კავშირგაბმულობისა და ფოსტის შესახებ” საქართველოს კანონის 42-ე მუხლის პირველი პუნქტის „ბ” ქვეპუნქტის, 48-ე მუხლის მე-2 პუნქტისა და კომისიის საქმიანობის მარეგულირებელი წესების 29-ე მუხლის მე-7 პუნქტის შესაბამისად, კომისიამ

გადაწყვიტა:

1. მიენიჭოს სს საქართველოს სახალხო ბანკს„ 136.000 მგჰც და 174.000 მგჰც სიხშირეები ქ. თბილისში ოპერატიული რადიოკავშირისთვის შიდასაწარმოო და ტექნოლოგიური დანიშნულებით, არაკომერციული მიზნით ერთი წლის ვადით;

2. აღირიცხოს სს საქართველოს სახალხო ბანკისთვის„ მინიჭებული სიხშირე კომისიის შესაბამის ნებართვების უწყებრივ რეესტრში (ა. დაბრუნდაშვილი);

3. უზრუნველყოს სს საქართველოს სახალხო ბანკმა„ კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

4. კანონმდებლობის ცვლილების შემთხვევაში სს საქართველოს სახალხო ბანკისთვის„ სიხშირის მინიჭების საკითხი შესაბამისობაში იქნეს მოყვანილი კანონმდებლობასთან;

5. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

6. კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციისა და მონიტორინგის სამსახურს (თ. ძაგნიძე).

კომისიის თავმჯდომარე დ. ქიტოშვილი