კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ შპს „რადიო იმედმა” (რეგისტრირებული ქ. თბილისის ვაკე-საბურთალოს რაიონული სასამართლოს 2002 წლის 1 აპრილის N 5ა/4-3229 დადგენილებით) კომისიას მიმართა განცხადებით (N 135; 28.07.04.) მაღალსიხშირული მოწყობილობის (რადიოსამაუწყებლო გადამცემები) ექსპლოატაციაზე ნებართვის გაცემის შესახებ. შპს რადიო იმედი„ N648 ლიცენზიის (მოქმედების ვადა 31.12.11.) პირობების შესაბამისად აწარმოებს რადიომაუწყებლობას ქ. თბილისში 105.9 მგჰც სიხშირეზე, ხოლი N 1378 ლიცენზიით (მოქმედების ვადა 28.10.13) - საეთერო საერთო რადიომაუწყებლობას საქართველოს ქალაქებში.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის, საქართველოს კომუნიკაციების ეროვნული კომისიის საქმიანობის მარეგულირებელი წესების მე-20 მუხლის პირველი პუნქტის ე„ ქვეპუნქტისა და 26-ე მუხლის მე-2 პუნქტის შესაბამისად, კომისიამ

გადაწყვიტა:

1.მიეცეს ნებართვა შპს „რადიო იმედს” მაღალსიხშირული მოწყობილობების გამოყენებაზე დანართი-1-ში (თან ერთვის) მითითებული ჩამონათვალის მიხედვით N 1378 ლიცენზიის მოქმედების ვადით;

2.მიეცეს ნებართვა შპს „რადიო იმედს” მაღალსიხშირული მოწყობილობების გამოყენებაზე დანართი-2-ში (თან ერთვის) მითითებული ჩამონათვალის მიხედვით N 648 ლიცენზიის მოქმედების ვადით;

3.უზრუნველყოს შპს „რადიო იმედმა” მაღალსიხშირული მოწყობილობის გამოყენებაზე მოქმედი კანონმდებლობით გათვალისწინებული საჭირო ნებართვების მიღება;

4.შეტანილი იქნეს ინფორმაცია კომისიის ნებართვების უწყებრივ რეესტრში (ა. დაბრუნდაშვილი);

5.გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;

6.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციისა და მონიტორინგის სამსახურს (თ.ძაგნიძე).

კომისიის თავმჯდომარე დ. ქიტოშვილი