კონტაქტი

საქართველოს კომუნიკაციების ეროვნული კომისია (შემდგომში კომისია„) აღნიშნავს, რომ საჯარო სამართლის იურიდიული პირი - დაცვის პოლიციამ (შექმნილია 2004 წლის 9 ივლისის საქართველოს პრეზიდენტის N 261 ბრძანებულებით) კომისიას მიმართა განცხადებით (N 50/68-2082, 12.08.04.) წარმოდგენილი დოკუმენტაციის (N PDC0000205, 12.08.04.) შესაბამისად საქართველოში მაღალსიხშირული მოწყობილობების შემოტანის ნებართვის მიღების თაობაზე. მაღალსიხშირული მოწყობილობები (საბაზო მიმღებ-გადამცემი სადგურები) გამოყენებული უნდა იყოს ოპერატიული რადიოკავშირისთვის ქსელში ფუნქციონირებისთვის.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა საჯარო სამართლის იურიდიული პირი - დაცვის პოლიციას შემოიტანოს საქართველოს ტერიტორიაზე თანდართული დოკუმენტაციით (N PDC0000205, 12.08.04.) გათვალისწინებული მაღალსიხშირული მოწყობილობები;

2.უზრუნველყოს საჯარო სამართლის იურიდიული პირი - დაცვის პოლიციამ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობების გამოყენებაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე დ. ქიტოშვილი