კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ შპს „ტელეიმედმა” კომისიას მიმართა განცხადებით (N 0642; 29.07.04.)ქ. ახალციხეში მაღალსიხშირული მოწყობილობის (რადიოსამაუწყებლო გადამცემი სადგური) ექსპლოატაციაზე ნებართვის გაცემის შესახებ. შპს ტელეიმედი„ N487 ლიცენზიის (მოქმედების ვადა 21.04.08.) პირობების შესაბამისად აწარმოებს რადიომაუწყებლობას ქ. ახალციხეში 24-ე სატელევიზიო არხზე 0.5 კვტ სიმძლავრის გამოყენებით.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 პუნქტის, საქართველოს კომუნიკაციების ეროვნული კომისიის საქმიანობის მარეგულირებელი წესების მე-20 მუხლის პირველი პუნქტის ე„ ქვეპუნქტისა და 26-ე მუხლის მე-2 პუნქტის შესაბამისად, კომისიამ

გადაწყვიტა:

1.მიეცეს ნებართვა შპს „ტელეიმედს” მაღალსიხშირული მოწყობილობის ექსპლოატაციაზე დანართში (თან ერთვის) მითითებული ჩამონათვალის მიხედვით N 487 ლიცენზიის მოქმედების ვადით;

2.უზრუნველყოს შპს „ტელეიმედმა” მაღალსიხშირული მოწყობილობის ექსპლოატაციაზე მოქმედი კანონმდებლობით გათვალისწინებული საჭირო ნებართვების მიღება;

3.შეტანილი იქნეს ინფორმაცია კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ.7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციისა და მონიტორინგის სამსახურს (თ.ძაგნიძე).

კომისიის თავმჯდომარის

მოვალეობის შემსრულებელი გ.ფრუიძე