კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ საქართველოს სახელმწიფო უშიშროების სამსახურმა კომისიას მიმართა განცხადებით (N 2/01/08-497; 03.09.04.) თანდართული დოკუმენტაციის (N 1216002, 27.08.04.) შესაბამისად მაღალსიხშირული მოწყობილობების (სატარებელი რადიოსადგურები და მათი დამატებითი აქსესუარები) შემოტანაზე ნებართვის მიღების თაობაზე.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა საქართველოს სახელმწიფო უშიშროების სამსახურს შემოიტანოს საქართველოს ტერიტორიაზე თანდართული დოკუმენტაციით (N 1216002, 27.08.04.) განსაზღვრული მაღალსიხშირული მოწყობილობები;

2.აღირიცხოს ინფორმაცია შემოტანილი მაღალსიხშირული მოწყობილობების შესახებ კომისიის ნებართვების უწყებრივ რეესტრში (ა. დაბრუნდაშვილი);

3.გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი , რობაქიძის გამზ. 7ა) 6 თვის ვადაში;

4.კონტროლი აღნიშნული გადაწყვეტილების შესრულებაზე დაევალოს სამაუწყებლო სამსახურს (თ. ძაგნიძე).

კომისიის თავმჯდომარე დ. ქიტოშვილი