კონტაქტი

საქართველოს კომუნიკაციების ეროვნულმა კომისიამ (შემდგომში კომისია) 2003 წლის 6 თებერვალს განიხილა შპს ,,საქართველოს ცენტრალური კავშირგაბმულობის კორპორაციასა და შპს „მეტაკომს” შორის ანგარიშსწორებასთან დაკავშირებული სადავო საკითხი.

კომისიის სხდომაზე მხარეთა მიერ წარმოდგენილი იქნა მოსაზრებები და არგუმენტები სადავო საკითხთან დაკავშირებით.

კომისია აღნიშნავს, რომ მხარეთა არგუმენტები საჭიროებს დამატებით შესწავლას კომისიის აპარატის იურიდიული სამსახურის მიერ.

აღნიშნულიდან გამომდინარე კომისიას მიზანშეწონილად მიაჩნია დავის განხილვის გადადება.

„კავშირგაბმულობისა და ფოსტის შესახებ” საქართველოს კანონის მე-20 მუხლის მე-5 პუნქტის „თ” ქვეპუნქტის საფუძველზე კომისიამ

გ ა დ ა წ ყ ვ ი ტ ა:

1. გადაიდოს შპს ,,საქართველოს ცენტრალური კავშირგაბმულობის კორპორაციასა და შპს „მეტაკომს” შორის ანგარიშსწორებასთან დაკავშირებული დავის განხილვა 2004 წლის 13 თებერვალს 1600 სთ-ზე;

2. ეცნობოთ შპს „საქართველოს ცენტრალური კავშირგაბმულობის კორპორაციას” და შპს „მეტაკომს დავის განხილვის თარიღი და დრო.

3. გადაწყვეტილება შეიძლება გასაჩივრდეს ქ.თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

4. კონტროლი აღნიშნული გადაწყვეტილების შესრულებაზე დაევალოს იურიდიულ სამსახურს (ე.ასანიძე).

კომისიის თავმჯდომარე ვ.აბაშიძე