კონტაქტი

საქართველოს კომუნიკაციების ეროვნული კომისიის (შემდგომში „კომისია”) 2004 წლის 24 სექტემბრის N 51 სხდომაზე წარმოდგენილი დღის წესრიგის პროექტის თაობაზე კომისიის აპარატის მუშაობის რეგლამენტის მე-4 მუხლის მე-17 და მე-18 პუნქტების საფუძველზე, კომისიამ კენჭისყრის შედეგად ერთხმად

გადაწყვიტა:

1. გადაიდოს კომისიის N 51 სხდომის დღის წესრიგის პროექტის მე-2 საკითხი (საქართველოს კომუნიკაციების ეროვნული კომისიის 2004 წლის მეოთხე კვარტლის სამუშაო გეგმის დამტკიცების შესახებ) და განხილულ იქნეს აპარატის სტრუქტურული ერთეულების მიერ 2004 წლის მეოთხე კვარტლის სამუშაო გეგმების სრულად წარმოდგენის შემდგომ;

2. წარმოდგენილ კომისიის N 51 სხდომის დღის წესრიგის პროექტში დამატებით შეტანილ იქნეს 6 (ექვსი) საკითხი:

ა) რადიოდანადგარებისა და სატელეკომუნიკაციო ტერმინალური დანადგარების სერტიფიცირების რეგლამენტის განხილვის შესახებ (კ. ყურაშვილი);

ბ) მაუწყებლობის სიხშირეთა განაწილების გეგმის დამდგენი დამოუკიდებელი ორგანოს დანიშვნის თაობაზე (მომხს. თ ძაგნიძე);

გ) საქართველოს კომუნიკაციების ეროვნული კომისიის 2004 წლის 30 ივლისის N 381/22 გადაწყვეტილებით დადგენილ სს „საქართველოს ელექტროკავშირსა” და შპს „ახალ ქსელებს” შორის ურთიერთჩართვის ხელშეკრულების პირობებში ცვლილებების შეტანის შესახებ (მომხს. ე ასანიძე);

დ) საქართველოს თავდაცვის სამინისტროსთვის, სს „აზოტისთვის” და კომპანია „სპი კაპაგ-პეტროფაკ ინტერნეშენელ ლიმითედისთვის” მაღალსიხშირული მოწყობილობების საქართველოს ტერიტორიაზე შემოტანის თაობაზე ნებართვების გაცემის შესახებ (მომხს. თ. ძაგნიძე);

3. დამტკიცდეს კომისიის N 51 სხდომის დღის წესრიგი წარმოდგენილი სახით;

4. გადაწყვეტილება შეიძლება გასაჩივრდეს თბილისის საოლქო სასამართლოში (ქ. თბილისი, რობაქიძის გამზ. 7ა) 6 თვის ვადაში;

5. კონტროლი ღნიშნული გადაწყვეტილების შესრულებაზე დაევალოს კომისიის ადმინისტრაციას (ი. ხარებავა).

კომისიის თავმჯდომარე დ. ქიტოშვილი