კონტაქტი

რადიო თავისუფალი ევროპა/ რადიო თავისუფლების საქართველოს წარმომადგენლობისთვის მაღალსიხშირული მოწყობილობის საქართველოში შემოტანაზე ნებართვის გაცემის შესახებ

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ რადიო თავისუფალი ევროპა/ რადიო თავისუფლების საქართველოს წარმომადგენლობამ (რეგისტრირებული ქ. თბილისის კრწანისი-მთაწმინდის რაიონული სასამართლოს 1999 წლის 8 ნოემბრის N 06/8-12 დადგენილებით) კომისიას მიმართა განცხადებით (N 7/30-04, 04.02.04) წარმოდგენილი დოკუმენტაციის (N 8/, 03.02.04) შესაბამისად საქართველოში მაღალსიხშირული მოწყობილობის შემოტანის ნებართვის მიღების თაობაზე. მაღალსიხშირული მოწყობილობა წარმოადგენს „VSAT”-ის თანამგზავრულ მიწისზედა სადგურს.

„კავშირგაბმულობისა და ფოსტის შესახებ” საქართველოს კანონის 49-ე მუხლის მე-2 და მე-3 პუნქტების თანახმად, კომისიამ

გადაწყვიტა:

1.მიეცეს ნებართვა რადიო თავისუფალი ევროპა/ რადიო თავისუფლების საქართველოს წარმომადგენლობას შემოიტანოს საქართველოს ტერიტორიაზე თანდართული დოკუმენტაციით (N 8/, 03.02.04) გათვალისწინებული მაღალსიხშირული მოწყობილობა;

2.უზრუნველყოს რადიო თავისუფალი ევროპა/ რადიო თავისუფლების საქართველოს წარმომადგენლობამ აპარატურის შემოტანისთანავე კომისიაში სათანადო ინფორმაციის წარმოდგენა მაღალსიხშირული მოწყობილობის გამოყენებაზე ნებართვის მისაღებად;

3.აღირიცხოს ინფორმაცია შემოტანილი მაღალსიხშირული მოწყობილობის შესახებ კომისიის ნებართვების უწყებრივ რეესტრში (ა. დაბრუნდაშვილი);

4.გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

5.კონტროლი აღნიშნული გადაწყვეტილების შესრულებაზე დაევალოს სიხშირეთა კოორდინაციის და მონიტორინგის სამსახურს (თ. ძაგნიძე).

კომისიის თავმჯდომარე ვ.აბაშიძე