კონტაქტი

რუსეთის ფედერაციის მიწისზედა თანამგზავრული სადგურისთვის მინიჭებული სიხშირეების გამოყენებაზე თანხმობის გაცემის შესახებ საქართველოს კომუნიკაციების ეროვნულმა კომისიამ (შემდგომში „კომისია”) განიხილა რუსეთის ფედერაციის რადიოსიხშირეთა სამსახურის წერილი (№ UMS-50/3940; 30.08.04.) თანდართული ტექნიკური მახასიათებლებით რუსეთის ფედერაციის მიწისზედა თანამგზავრული სადგურისთვის GEORGIEVSK/MTZS 2.4 (რომელიც იგეგმება EXPRESS - 4 სათანამგზავრო ქსელში) მინიჭებული სამუშაო სიხშირეების გამოყენების შესახებ. მიწისზედა თანამგზავრული სადგური რუსეთის ფედერაციის ტერიტორიაზე არის განთავსებული და 3 გგჰც და 6 გგჰც სიხშირულ დიაპაზონებში ფუნქციონირებს. წარმოდგენილი ფორმის (ApS4/III) შესაბამისად, მიწისზედა თანამგზავრული სადგურის გამოყენება მონაცემების გადასაცემად არის განსაზღვრული.

თანდართული ტექნიკური მახასიათებლების შესაბამისად, რუსეთის ფედერაციის სათანამგზავრო სამსახურის სადგური არ ქმნის ტელეკომუნიკაციების საერთაშორისო კავშირის ნორმებით გათვალისწინებულ მავნე ხელშეშლების მიუღებელ დონეებს საქართველოს ტერიტორიაზე მოქმედი ფიქსირებული და სათანამგზავრო სამსახურების სადგურებისთვის.

„კავშირგაბმულობისა და ფოსტის შესახებ” საქართველოს კანონის მე-19 მუხლის მე-3 პუნქტის შესაბამისად, კომისიამ

გადაწყვიტა:

1. მიეცეს თანხმობა რუსეთის ფედერაციის რადიოსიხშირეთა სამსახურის მიწისზედა თანამგზავრული სადგურისთვის GEORGIEVSK/MTZS 2.4 მინიჭებული სიხშირეების გამოყენებაზე (№ UMS-50/3940; 30.08.04. წერილის დანართში აღნიშნული ტექნიკური მახასიათებლებით);

2. შეტანილი იქნეს ინფორმაცია კოორდინაციაზე წარდგენილი სადგურის შესახებ შესაბამის მონაცემთა ბაზაში (ზ. გონჯილაშვილი);

3. გადაწყვეტილება შეიძლება გასაჩივრდეს თბილისის საოლქო სასამართლოში (ქ.თბილისი, რობაქიძის გამზ. 7ა) 6 თვის ვადაში;

4. კონტროლი აღნიშნული გადაწყვეტილების შესრულებაზე დაევალოს სიხშირული რესურსების მართვისა და სტანდარტიზაციის სამსახურს (თ. ძაგნიძე).

კომისიის თავმჯდომარე დ. ქიტოშვილი