კონტაქტი

საქართველოს კომუნიკაციების ეროვნული კომისია (შემდგომში „კომისია”) აღნიშნავს, რომ აპარატის სტრუქტურული ერთეულების მიერ წარმოდგენილი მ/წლის მე-4 კვარტლის სამუშაო გეგმის პროექტების საფუძველზე აპარატის ადმინისტრაციის მიერ შედგენილ იქნა კომისიის 2004 წლის მეოთხე კვარტლის სამუშაო გეგმის პროექტი.

კომისია აღნიშნავს, რომ სტრუქტურული ერთეულების მიერ წარმოდგენილ სამუშაო გეგმებში აუცილებელია გათვალისწინებულ იქნეს: 2004 წლის წინა კვარტლების სამუშაო გეგმებიდან სისტემატურად გადმოტანილი და განუხილველად დარჩენილი მთელი რიგი საკვანძო საკითხები; საქართველოს მოქმედი სხვადასხვა კანონებიდან კომისიის მიერ შესარულებლად სავალდებულო საკონტროლო თარიღები; წარმოსადგენი დადგენილებებისა და გადაწყვეტილებების პროექტების პრიორიტეტულობა; კომისიის სხდომებზე განსახილველად წარსადგენი გადაწყვეტილების პროექტების სისრულესა და ხარისხზე სტრუქტურულ ერთეულში პასუხისმგებელი პირი; ერთობლივად მოსამზადებელი ღონისძიებებისა და კომისიის სხდომებზე საკითხების განხილვის ვადების ურთიერშეთანხმება; სტრუქტურული ერთეულების მიერ განსახორციელებელი სხვადასხვა საკითხების ბლოკში კონკრეტულად მიეთითოს კვარტლის განმავლობაში სტრუქტურული ერთეულების მიერ განსახორციელებელი საკითხების კონკრეტული თარიღი.

ყოველივე ზემოაღნიშნულიდან გამომდინარე კომისიის საქმიანობის მარეგულირებელი წესების მე-13 მუხლის მე-10 პუნქტისა და კომისიის აპარატის მუშაობის რეგლამენტის მე-2 მუხლის მე-2 პუნქტის შესაბამისად, კომისიამ კენჭისყრის შედეგად ერთხმად

გ ა დ ა წ ყ ვ ი ტ ა :

1. დამტკიცდეს კომისიის 2004 წლის მეოთხე კვარტლის წარმოდგენილი სამუშაო გეგმა (თან ერთვის) კომისიის სხდომაზე გამოთქმული შენიშვნებისა და წინადადებების გათვალისწინებით;

2. უზრუნველყონ აპარატის სტრუქტურული ერთეულის უფროსებმა:

ა) წინამდებარე სამუშაო გეგმით გათვალისწინებული გადაწყვეტილების პროექტების დამტკიცებულ ვადებში კომისიის სხდომებზე წარდგენა;

ბ) მომავალში კვარტალური სამუშაო გეგმების მომზადებისას აპარატის მუშაობის წესის მე-2 მუხლით გათვალისწინებული სავალდებულო მოთხოვნების უპირობო დაცვა.

3. წარედგინოთ კომისიის წევრებს აპარატის თათბირებზე ყოველკვირეული ინფორმაცია (ი.ხარებავა) სტრუქტურული ერთეულების მიერ კომისიის მ/წლის მე-4 კვარტლის სამუშაო გეგმით გათვალისწინებული საკითხების შესრულების მიმდინარეობის შესახებ;

4. გადაწყვეტილება შეიძლება გასაჩივრდეს ქ. თბილისის საოლქო სასამართლოში (ქ.თბილისი, რობაქიძის გამზ. 7ა) ექვსი თვის ვადაში;

6. კონტროლი აღნიშნული გადაწყვეტილების შესრულებაზე დაევალოს აპარატის ადმინისტრაციას (ი. ხარებავა).

კომისიის თავმჯდომარე დ. ქიტოშვილი